Emwen me ren emon Soufos mi Manau

Nupwen a 16 ieri, ua tuffichin wesewesen fiti mwichenapen mwichefen ren ewe aewin fansoun. Ai famini mi nom non eu kinikinin Oregon mi nom noutou, non Merika, iwe aua satiw Utah ne fiti mwichenapen mwichefen me cheirano mongiei we watte me ewe nenien osukuna misineri.

Ua fiti mwichenapen mwichefen ren ai mochen osukun me ren ewe Ngun mi Fel. Ren niwinin ai mochen, ua angei eu pwaratan ewe Ngun mi Fel usap mo fen angei ika pwe use fen ammonata pwisin ngang.

Non eu kinikinin ekkewe mwich, meinisin mi uta ne konu ewe kon fel, “Emweni Kich, En Ewe Siowa Mi Nap.” Non ach kokon, a toriei elletin ewe memef pwe upwe nenefeten won unusen ewe Nenien Mwichenap. Iwe ua fori me ua fokkun mwar ren manamanen ewe chufengenin non eu an ekkewe fite ngerou aramas non ach atekiata mongunguch non ach mwareiti Kot.

Iwe mwirin och mettoch a fis ngeniei pwe ua mefi usun chok Nifai nupwen a kuna nemasepwin ewe iran manau, pwe ewe Ngun a ereniei, “kene nengeni” (nengeni 1 Nifai 11–14). Ua nengeni Preseten Thomas S. Monson me ua mefi pwe chufengenin ewe Mwichefen mi fis pokiten sia emwen me ren emon soufos mi manau. Seni pwaratan ewe Ngun mi Fel, ua sinei pwe Preseten Monson i ewe elletin soufos ren ach fansoun me ua sinei pwe Jises Kraist mi emweni ei Mwichefen ren pwisin i.