Arata‘ihia e te hoê peropheta ora

I te 16raa o to’u matahiti, ua fana‘o vau ia haere atu i te amuiraa rahi no te taime matamua roa. Te ora ra ia to’u utuafare i te pae tooa o te ra i Oregon, i te fenua Marite, e ua tere mai matou i Utaha no te haere i te amuiraa e no te afa‘i mai i to’u tuaana i te pû haapiipiiraa a te mau misionare.

Ua haere au i te amuiraa ma te hoê hinaaro ia haapiihia mai e te Varua Mo‘a. No reira, ua farii au i te hoê faaiteraa no ô mai i te Varua e o ta’u i ore i mana‘o e farii au, aita vau iho nei i ineine.

I roto i te hoê o te mau tuhaa amuiraa, ua ti‘a e ua himene te amuiraa taatoa i te himene, « Aratai Mai, e Iehova ». A himene ai matou, e au ra e mea papû e te ite ra vau te atiraa o te Pû Amuiraa. Ua na reira e ua aehuehuhia vau e te mana o te hoêraa o te tauatiniraa o te taata i reira a faateitei ai matou paatoa i to matou reo i te arueraa i te Atua.

I muri iho ua farii au i te hoê iteraa i reira to’u fariiraa mai ia Nephi i te taime a ite ai oia i te orama no te tumu raau no te ora, no te mea ua parau mai te Varua ia’u « a hi‘o na » (a hi‘o 1 Nephi 11–14). Ua hi‘o atu ra vau i te peresideni Thomas S. Monson e ua ite e te vai ra te hoêraa o te Ekalesia no te mea ua arata‘ihia tatou e te hoê perepheta ora. Na roto i te faaiteraa a te Varua Mo‘a, ua ite au o te peresideni Monson te peropheta mau no to tatou nei anotau, e ua ite au e te arata‘i nei Iesu Mesia i teie Ekalesia na roto mai ia’na.