Kuo Fakamālohia Fēfē e Faiako ʻAʻahí?

ʻOku ʻoatu heni ha fakamatala nounou ki he ngaahi liliu ki he polokalama faiako ʻaʻahí. ʻOku mau poupouʻi e kau taki ʻo e Fineʻofá mo e kau faiako ʻaʻahí ke lau e vahe 9 ʻo e Tohi Tuʻutuʻuni Fika 2: Ko Hono Puleʻi ʻo e Siasí ke toe vakaiʻi e ngaahi fakaikiiki pau ki he ngaahi liliu ko ʻení. ʻOku mau toe poupouʻi atu ke mou lau e vahe 7 ʻo e Ngaahi ʻOfefine ʻi Hoku Puleʻangá: Ko e Hisitōlia mo e Ngāue ʻa e Fineʻofá ke maʻu ha vīsone, fakakaukau, mo e mahino ki he mālohi ʻo e ngāue tokoní pea mo hono fatongia mahuʻinga ʻi he faiako ʻaʻahí. (ʻE lava ke maʻu lōua e ongo tohí ni ʻi he ʻinitanetí he LDS.org.)

Ko Hono VAHE ʻo ha Kau Faiako ʻAʻAHI
1. ʻOku ʻikai ko e palesitení pē ka ko e kau palesitenisī ʻo e Fineʻofá, ʻoku nau tokangaʻi e faiako ʻaʻahí.	(Vakai, Tohi Tuʻutuʻuni Fika 2, 9.2.2.
2. ʻI he taimi ʻoku ʻoatu ai ʻe he taki ʻo e Fineʻofá ha fatongia faiako ʻaʻahi, ʻoku tokoniʻi ʻe he takí ke mahino ki he fefiné ko ha fatongia mahuʻinga fakalaumālie ʻa e faiako ʻaʻahí ke fakahoko.	(Vakai, Tohi Tuʻutuʻuni Fika 2, 9.5; 9.5.1.
3. ʻOku hokohoko fakahoko ʻe he kau palesitenisī ʻo e Fineʻofá ha ako maʻá e kau faiako ʻaʻahí ki he founga ʻe toe lelei ange ai ʻenau tokoni ki he niʻihi ʻoku nau ʻaʻahi ki aí. ʻE lava ke fakahoko e akó ʻi he Fineʻofá he ʻuluaki Sāpate ʻo e māhiná pe ʻi ha fakatahaʻanga kehe ʻa e Fineʻofá.	(Vakai, Tohi Tuʻutuʻuni Fika 2, 9.5.

Fealeaʻaki mo e Niʻihi Kehé
1. ʻOku fakataha maʻu pē ʻa e kau palesitenisī ʻo e Fineʻofá mo e kau faiako ʻaʻahí ke aleaʻi e tuʻunga fakalaumālie mo fakatuʻasino ʻo kinautolu ʻoku faingataʻaʻiá pea fokotuʻu ha palani ke tokoniʻi kinautolu. ʻE lava ke tokoni e kau faiako ʻaʻahí ki he kau palesitenisī ʻo e Fineʻofá ʻi hono fakafekauʻaki e tokoni fakataimi pe ngaahi tokoni taimi lōloa maʻá e kau fafine faingataʻaʻiá.	Vakai, Tohi Tuʻutuʻuni Fika 2, 9.5; 9.5.1; 9.5.4.
2. ʻOku fealēleaʻaki fakataha maʻu pē ʻa e kau palesitenisī Fineʻofá ke aleaʻi e tuʻunga fakalaumālie mo fakatuʻasino ʻo kinautolu ʻoku faingataʻaʻiá.	(Vakai, Tohi Tuʻutuʻuni Fika 2, 9.3.2; 9.5.4.
3. ʻOku vahevahe ʻe he palesiteni ʻo e Fineʻofá ʻi he ngaahi fakatahaʻanga alēlea fakauooti pe fakakoló ʻa e fakamatala totonu mei he ngaahi lipooti faiako ʻaʻahí koeʻuhí ke lava e kau taki ʻo e uōtí pe koló ʻo fealeaʻaki fakataha ki he founga ke tokoniʻi ai ʻa kinautolu ʻoku ʻi ai ʻenau ngaahi fie maʻu fakalaumālie mo fakatuʻasinó.	Vakai, Tohi Tuʻutuʻuni Fika 2, 4.5.1; 5.1.2; 6.2.2.
4. ʻE lava ke fakaafeʻi ʻe he pīsopé pe palesiteni fakakoló ʻa e palesiteni ʻo e Fineʻofá ki he fakataha kōmiti pule ʻo e lakanga fakataulaʻeikí (KPT) ʻi he uōtí pe koló ʻo ka fie maʻu ke fakafekauʻaki e ngaahi ngāue ʻi he faiako fakaʻapí mo e faiako ʻaʻahí.	(Vakai, Tohi Tuʻutuʻuni Fika 2, 9.3.1.
5. ʻOku fakataha maʻu pē ʻa e kau palesitenisī ʻo e Fineʻofá pea mo e taki ʻo e kau tāutaha kei talavoú ke fakapapauʻi ʻoku lava ʻe he ngaahi ngāue ʻi he faiako ʻaʻahí ʻo feau e ngaahi fie maʻu ʻa e kau tāutaha kei talavoú.	(Vakai, Tohi Tuʻutuʻuni Fika 2, 9.7.2; 16.3.3.

Fokotuʻutuʻu mo Hono Tokangaʻi ʻo e Faiako ʻAʻahí
1. ʻOku fealeaʻaki mo fakakaukauʻi ʻe he pīsopé pe palesiteni fakakoló mo e kau palesitenisī ʻo e Fineʻofá ʻi he faʻa lotu e ngaahi fie maʻu fakalotofonuá ke ʻiloʻi e anga hono fokotuʻutuʻu ʻo e faiako ʻaʻahí. (ʻOku ʻikai totonu ke fokotuʻutuʻu e houʻeiki fafiné ki ha ngaahi kulupu ʻe fakataumuʻa ki he faiako ʻaʻahí he ko ʻenau ngāué ki he ngaahi fie maʻu fakafoʻituituí.) ʻOku fakangofua ʻe he pīsopé pe palesiteni fakakoló ʻa e ngāue takitaha.	Vakai, Tohi Tuʻutuʻuni Fika 2, 9.5.2.
2. ʻOku vahe ʻe he kau palesitenisií e kau fafiné ʻo tautau toko ua, kapau ʻe malava. ʻOku ʻoatu ʻi he Tohi Tuʻutuʻuni Fika 2 ha ngaahi meʻa kehe ke fili mei ai ke feau ʻaki e ngaahi fie maʻu fakalotofonuá. ʻOku fealeaʻaki e kau palesitenisií mo e pīsopé pe palesiteni fakakoló kau ki hano fakaʻaongaʻi e ngaahi founga ko ʻení: a. Ko hono vahe fakataimi ha kau faiako fakaʻapi pe kau faiako ʻaʻahi pē ki ha ngaahi fāmili pau. Pe ko e fetongitongi e kau takí he māhina kotoa ʻi he ʻaʻahi ki he kau faiako fakaʻapí mo e faiako ʻaʻahí. e. ʻI hano fakangofua ʻe he palesiteni fakamisioná, ʻe lava ke kole ki he kau faifekau fefine taimi kakató ke tokoni ʻi he faiako ʻaʻahí ʻi ha tuʻunga fakangatangata pē.	Vakai, Tohi Tuʻutuʻuni Fika 2, 9.5.2; 9.5.3.
3. Ko e faiako ʻaʻahí ʻoku ʻikai ko ha ʻaʻahi fakamāhina pē; ka ko ha ngāue tokoni. Ke tokangaʻi mo fakamālohia e houʻeiki fafiné ʻi heʻenau ngaahi fie maʻu fakafoʻituituí, pea ʻoku fetuʻutaki maʻu pē ʻa e kau faiako ʻaʻahí kiate kinautolu ʻi heʻenau ʻaʻahí, telefoní, ʻī-meilí, faitohí, pe ʻi ha ngaahi founga kehe. ʻOku fakamuʻomuʻa makehe ʻe he kau takí ʻa e houʻeiki fafine ko ʻení ke fakapapauʻi ʻoku tokangaʻi kinautolu: kau fafine ʻoku hiki mai ki he Fineʻofá mei he Kau Finemuí, kau fafine tāutahá, kau mēmipa foʻoú, toki papi ului maí, kakai fefine toki mali foʻoú, kau fafine māmālohí, pea mo kinautolu ʻoku ʻi ai haʻanau fie maʻu makehé.	Vakai, Tohi Tuʻutuʻuni Fika 2, 9.5.1; 9.5.2.

Fokotuʻutuʻu mo Hono Tokangaʻi ʻo e Faiako ʻAʻahí

1. ʻOku fealeaʻaki mo fakakaukauʻi ʻe he pīsopé pe palesiteni fakakoló mo e kau palesitenisī ʻo e Fineʻofá ʻi he faʻa lotu e ngaahi fie maʻu fakalotofonuá ke ʻiloʻi e anga hono fokotuʻutuʻu ʻo e faiako ʻaʻahí. (ʻOku ʻikai totonu ke fokotuʻutuʻu e houʻeiki fafiné ki ha ngaahi kulupu ʻe fakataumuʻa ki he faiako ʻaʻahí he ko ʻenau ngāué ki he ngaahi fie maʻu fakafoʻituituí.) ʻOku fakangofua ʻe he pīsopé pe palesiteni fakakoló ʻa e ngāue takitaha.

Vakai, Tohi Tuʻutuʻuni Fika 2, 9.5.2.

2. ʻOku vahe ʻe he kau palesitenisií e kau fafiné ʻo tautau toko ua, kapau ʻe malava. ʻOku ʻoatu ʻi he Tohi Tuʻutuʻuni Fika 2 ha ngaahi meʻa kehe ke fili mei ai ke feau ʻaki e ngaahi fie maʻu fakalotofonuá. ʻOku fealeaʻaki e kau palesitenisií mo e pīsopé pe palesiteni fakakoló kau ki hano fakaʻaongaʻi e ngaahi founga ko ʻení:

a. Ko hono vahe fakataimi ha kau faiako fakaʻapi pe kau faiako ʻaʻahi pē ki ha ngaahi fāmili pau. Pe ko e fetongitongi e kau takí he māhina kotoa ʻi he ʻaʻahi ki he kau faiako fakaʻapí mo e faiako ʻaʻahí.

e. ʻI hano fakangofua ʻe he palesiteni fakamisioná, ʻe lava ke kole ki he kau faifekau fefine taimi kakató ke tokoni ʻi he faiako ʻaʻahí ʻi ha tuʻunga fakangatangata pē.

Vakai, Tohi Tuʻutuʻuni Fika 2, 9.5.2; 9.5.3.

3. Ko e faiako ʻaʻahí ʻoku ʻikai ko ha ʻaʻahi fakamāhina pē; ka ko ha ngāue tokoni. Ke tokangaʻi mo fakamālohia e houʻeiki fafiné ʻi heʻenau ngaahi fie maʻu fakafoʻituituí, pea ʻoku fetuʻutaki maʻu pē ʻa e kau faiako ʻaʻahí kiate kinautolu ʻi heʻenau ʻaʻahí, telefoní, ʻī-meilí, faitohí, pe ʻi ha ngaahi founga kehe.

ʻOku fakamuʻomuʻa makehe ʻe he kau takí ʻa e houʻeiki fafine ko ʻení ke fakapapauʻi ʻoku tokangaʻi kinautolu: kau fafine ʻoku hiki mai ki he Fineʻofá mei he Kau Finemuí, kau fafine tāutahá, kau mēmipa foʻoú, toki papi ului maí, kakai fefine toki mali foʻoú, kau fafine māmālohí, pea mo kinautolu ʻoku ʻi ai haʻanau fie maʻu makehé.

Vakai, Tohi Tuʻutuʻuni Fika 2, 9.5.1; 9.5.2.

Ko Hono Lipooti ʻo e Faiako ʻAʻahí
1. ʻOku kole ki he kau faiako ʻaʻahí ke lipooti mai ha ngaahi fie maʻu makehe mo e ngaahi tokoni naʻe fai kiate kinautolú—ʻi hono fakalea ʻe tahá, ko ʻenau ngāue tokoní. Lau ʻa e ngāue tokoní kae ʻikai ko e ʻaʻahí pē.	Vakai, Tohi Tuʻutuʻuni Fika 2, 9.5.4.
2. ʻOku ʻave ʻe he palesiteni ʻo e Fineʻofá ha lipooti fakamāhina ʻo e faiako ʻaʻahí ki he pīsopé pe palesiteni fakakoló. ʻOku kau ʻi he lipooti ko ʻení ʻa e ngaahi fie maʻu makehe mo e ngāue tokoni naʻe fai ʻe he kau faiako ʻaʻahí mo ha lisi ʻo e kau fafine naʻe ʻikai ke fai ki ai ha ʻaʻahí.	Vakai, Tohi Tuʻutuʻuni Fika 2, 9.5.4.