Liaona eo ej juon kōkaļļe ilo mour in. Kōn e, Ijjamin naaj jōbwābwe. Ij tōmak bwe aolep ro me rej riiti mākjiin ko an Kabun̄ in remaron̄ lo lukkuun ta eo ej aikuji. Ij juon būreejtōn an Būraimere, im Ij lo bwe ajri ro rej iakwe ilo ron̄jake bwebwenato ko kōn ajri ro āinwōt er make ilo mākjiin eo. Liaona eo ej juon kam̧bōj elukkuun menin aikuj ilo mour ko ad, ej jipan̄ kōj juļo̧k kakkure ko an Satan.

Liaona eo eaar kanooj ļap an jipan̄ eō jān ennaan ko an im bwebwenato ko. Kōn juon mour eo epād ippād, emakijkij aō bōjrak ilo juon raan im riiti juon bwebwenato jān mākjiin eo me ej kwaļo̧k en̄jake ko an mour in jān membōr ro jet. Bwebwenato kein rej iien otemjej jipan̄ eō pukōt jet kaenōm̧m̧an ilo jetōb im kōkāāl ikrelel eo aō n̄an bar rool n̄an im̧an mejān Anij im Jisōs Kraist ippān baam̧le eo aō.