Mulwol ni Ngan Fil ni Ngan Nang, April 2012

Adag, Matangiy, nge Gelngiy

Mu fil e re n’ey, nge rogon nib mangil, mag weliy ko boech e walagey nib ppin ni gabe guy. Mu murwel ko pi duwer ni nge ayuweg nem ni nge gel nag e pi walagem nib ppin man fal’eg fare Relief Society e bang ko yafas rom nib mangil.

Mich,Tabinaew, Ayuw

Boed fare Tathapeg, cha’ nima yani nang salpen be’ nibe machib ngak tata bea’ (muguy ko 3 Nephi 11:15). Gadad manang ni kad cheg gaed ko machib ni gadad e cha’ nima yani nang salpen be’ napan ni ga’ar e pi walagen dad ni ppin: (1) cha’ nima yani nang salpen be’ rog e ke ayuwegneg kug ga’ u fithik e yul’yul’; (2) Gumanang ni cha’ nima yani nang salpen be’ rog e ba gub tu’uf rok nge tabinaew rog; nge (3) Fa’anra bay e magawon rog, ma gumanang ni cha’ nima yani nang salpen be’ rog e ma mithmith ni dabi soen ni ngan fith.¹

Urogon ni gadad e pi sensey nima nang salpey ni ngad tu’ufeged, man yaliy, man gel nag puwlagdad ni bpin? Tin ni bayib e mereb urngin ni ngan rrin’ nikan pir’eg u lane guruy ni medlip ko Daughters in My Kingdom: The History and Work of Relief Society ni ngan ayuweg e pi sensey nima nang salpen e gidii’ ni ngar machib niged e pi walagdad nib bpin:

Meybil ni gubin ngiyal’ ni fan ngak nge tabinaew rok.
Mu gay e tin nib mangil ni ngam nang nge tabinaew rok.
Muguy ni gubin ngiyal’ ni ngam fil rogon salpen mag pi’ e gapas ngak mag pi’ gelngin.
Mpaer ni ngu um nang salpen ni ngam guy, fon nag, letter, e-mail, tex nag, mag mithmith u fithik e gol.
Mu non ngak ko pi mo’olung u galasia.
Ayuweg napan nike buch ban’en rok, ke m’ar, fa kuboech e tin nib tu’uf rok.
Fil fare gospel ngak ko fapi chep nib thothup nge pi Mulwol ni Ngan Thapeg.
Mu ayuweg ni ngam rrin’ e tin mangil ban’en.
Mog ko toygang’ ko Relief Society mornga’agen e murwel rorad nge rogon salpen boech walagdad ni bpin.

Ko fapi Chep nib Thothup

Luke 10:38–39; 3 Nephi 11:23–26; 27:21

Cheppin Rodad

“Yaen ni nang salpey min fil ban’en e ke mang e ma’af ko ppin ko Tin Tomur e Rran u dakean e fayleng ni ngan tu’ufeg e gidii’, man duruw’iy, man murwel—ni ngan ‘mithmith ko pi n’en nib mangil nike yung Got ngorongren [dad],’ nike fil Joseph Smith.”²

Ba sister ni kafin ni yim’ e pumo’on rok e ke yoeg ko pi sensey rok ni yima yaeni guy: “Yad ma motoyil. Yad ma pi’ e gapas ngog. Yad ma un ngog ko miyor. Ma yad ma m’ag e bochboch ngog… [Yad] ma ayuweg neg ngug chuw u fithik e tin kirbaen ban’en u lane re in i pul nem ni i go’ gag.”³

Ayuw ko pi murwel e kuma sumniy e machib. Ko general conference ko Ocotber 1856, me yoeg President Brigham Young ni pi pioneer ar mit gad u fithik e snow ni 270–370 mile (435–595 km) palgen. Me pinning e gidii’ ko tin tomur e rran u Salt Lake City ni ngan yan ni ngan ayuweg raed man “un ko pi n’em ni gadad ma yoeg e murwel ngay.”⁴

Ke yoloey Lucy Meserve Smith ni piin e kar lufeth tan e sakato rorad nge socks rorad urom u tabernacle mar ulnguyed nga lane wagon man pi’ nge yan ko pi pioneer ni yaed be yim’ ko ulum. Me aram mar ulunged e bet nge maad ni fan ko picha’an ni yad ra yib ni boch’uw e chugum rorad. Napan ni taw fapi gothon e murwel ni yima fal’eg ban’en, ma ba na’un u donguch e kan “suguy ko chugum ni fan ngorad.”⁵

© 2012 ko Intellectual Reserve, Inc. Gubin ni mat’won ma bay. Nni yoloy u Mariken. Kan micheg nag ko thin nu Ngalis: 6/11. Micheg nag i pilyeg: 6/11. Ni pilyeg ko Visiting Teaching Message, April 2012. Yapese. 10364 905

Mange Rayog Nggu Rin?

Urogon ni rayog ni ngug nang ko mang e ba tu’uf ko pi walageg?
Urogon ni rayog ni ngug nang ni ri yad ba tu’uf rog?