Sulang el mo er a Sensei er Ngak er a Sandei Skuul

Aklas er ngak er a Sandei Skuul a diak el blechoel kellechakl a chelsel. Ng soak el orrenges a suobel er a bek el sandei, e ng di sel bebil er a taem ea rebebil er a rechad el ngar er a klas er ngak a ua el diak el sorir. Te blechoel el chadecheduch e ousekool a game el ngar er a electronic ea sensei er kemam a melasem el olsisechak er kemam. E mekngit, e le sel bebil e ngak me ak mo teloi er tia el mekngit el omeruul.

A ta er a sandei e a ki kmal mlo imis, me a bocha lemerek a klas, ea sensei er kemam a longelang e leng dimlak a ta el chad el orrenges er a osisecheklel. Se er a ki bocha mtobed er a klas, e ak mlo mekngit a renguk el kirel.

Me tia el merael mei el Sandei ea sensei er kemam a mocha ouchais el kmo ng kmal mlo betok el loluluuch er tia el sandei, el ulsiik er a mo omekrael er ngii, meng ngiluu a uldasu el kmo ng kirel el mo olecholt el mei er kemam a katsudo er a Ikelesia. Ng mocha omuchel er tia el katsudo, el mle kirel a klengar er a Jesus Kristo me a ongasireng el Ngii a riruul.

Me se er a kumdasu er tia el katsudo er sel kesus, e ak mlo omelchesiu er a mlo telkib el ngodech. Seikid e ak mlo medengei el kmo ak ulmelchesiu er a Chedaol Reng, el mesisiich el dirkak a tang me kuaisei. Meng di mle mereched e ak millilt el mo soak el mo melodech er a klengar er ngak el mo ua Osobel, me ak mlo medengei el kmo tia el milkedmokl er a Sandei Skuul er sel sils a klou a bla el smisichii er a klaumerang er ngak. Ak meral oureng a saul er a sensei er ngak er a Sandei Skuul me a ikel rokui el loruul el kirel a klas er kemam er a bek el sandei.