Mauruuuru no ta’u orometua i te Haapiiraa Sabati

E ere ta’u piha i te Haapiiraa Sabati i te mea faatura noa. Mea au roa na’u e faaroo i te haapiiraa i te mau hepetoma atoa, tera râ i te tahi taime e au ra e aita vetahi i roto i ta’u piha e na reira ra. Pinepine ratou i te paraparau te tahi i te tahi e aore râ e hauti i te mau hauti i ni‘a i te mau tauihaa ta‘ire uira [electronique], a tamata noa ai ta matou orometua i te haapii ia matou. Te mea pe‘ape‘a râ, i te tahi taime tei roto atoa vau i taua tuhaa fifi ra.

I te hoê hepetoma e mea ino roa matou mai tei ore i itehia na, e i te hoperaa te hapiiraa, ua ta‘i ta matou orometua no te mea aita hoê noa‘e taata i faaroo i ta’na haapiiraa. A haere ai matou i rapae i te piha, ua mauiui au no’na.

I te sabati i muri mai, ua faataa mai to matou orometua e ua pure tamau oia i taua hepetoma ra, i te imiraa i te arata‘iraa, e ua tae mai te reira ia’na ra e mea ti‘a ia’na ia faaite ia matou i te hoê hoho‘a teata a te Ekalesia. Ua haamata oia i te hoho‘a teata, no ni‘a i te oraraa o Iesu Mesia e te mau semeio Ta’na i rave.

A feruri ai au i te hoho‘a teata i taua pô râ, ua farii au i te hoê mea taa ê. I reira iho, ua ite au e ua haaputapuhia vau e te Varua, hau atu o ta’u i ore na i farii na mua‘e. I reira iho, ua faaoti au e ua hinaaro vau e rave i te mau tauiraa i roto i to’u oraraa ia riro hau atu mai te Faaora, e ua ite au e te iteraa i roto i te Haapiiraa Sabati i taua mahana ra ua haapuai rahi atu i to’u iteraa papû. Ua mauruuru roa vau no ta’u orometua i te Haapiiraa Sabati e te mau mea ta’na i rave no ta matou piha i te mau hepetoma atoa.