Ochotii Otirekled lokiu a Beltik el reng me a Omesiou

Chelsel a klengar er Ngii er a beluulechad, e a Jesus Kristo a ulechotii a beltik el reng er Ngii el mo er a rebebil lokiu omesiungel mo er tir. Ngii a dilu el kmo “Me tiaikid ea rokui el chad a mo medengei el kmo kom chedak, alsekum eke oubeltik el reng el mora tang me a tang” (Johanes 13:35). Ngii a ulechotii okesiu e soal kid a bo “dolngeseu er tirkel mo ousbech a ngeseu er [kid]” (Mosiah 4:16). Ngii omekedong er a roltirakl er Ngii el mo oureor el Obengkel er a Urerel, e milsterir a techall el mo mesiou er a rebebil e mo uai Ngii.¹

A oumesiunged el oldingel e olisechakl a kmal di uai a urerel Osobeled sel dochotii a beltkil a rengud el mor tirke el doldingel er tir e doruul a ikakid:²

• Mo medengei a ngklir me a ngklir a rechedal a telungalek er tir e mo ungil kaodengei kid me tir.

• Mo betik a rengud er tir e diak dorritel er tir.

• Mo omes e melisiich a klaumerang er tir “el loudersta er tir,” el uai aike el luruul Osobel (3 Nephi 11:15).

• Kudmeklii a ungil klausechelei lobengterir e mo oldingel er tir er a rekeblirir me a ngii di el ker.

• Mo omekerreu er a dersta el odos. Mo medengei a sils er a cherellir, omelilt er a skuul, sils er a chebechiil, techolbechelid, malechub a kuk di bebil er a sils el meklou a belkul el mor ngii.

• Mo oldingel er a rebeches me a tirke el kuk diak el sal mesisich er a ikelesia.

• Mo oldingel er tirke el sabisi malechub e tirke el ousbech ongelaod.