Jerbal ilo Tampeļ

Ke Iaar tōpar 17, Iaar jino lukkuun ļōmņak kōn ilju im jekļaj eo aō, im Iaar jar n̄an Jemedwōj Ilan̄ kōn ta eo Imaron̄ kōm̧m̧ane n̄an kōppopo n̄an ilo̧k n̄an juon mijen im bōk Priesthood eo an Melkisedek. Iaar en̄jake bwe ej aikuj ļapļo̧k an emakijkij aō etal n̄an tampeļ kōnke ej im̧ōn Irooj im enaaj kar juon jikin eo me Imaron̄ en̄jake aō epaake ļo̧k Jemed Ilan̄.

Kōn menin Iaar kōm̧m̧ane juon menin kōttōpar n̄an kōm̧m̧ane 1,000 peptaij ko ilo juon iiō. Iaar lukkuun en̄jake aikuj eo n̄an kōm̧m̧ane menin kōttōpar in; Iaar jitlo̧k n̄an jeļā eļan̄n̄e menin eaar ta eo Iaar aikuj kōm̧m̧ane. Jemedwōj Ilan̄ eaar uwaak eō, im Iaar jino etal n̄an Tampico Mexico Tampeļ eo aolep Jādede.

Ālkin aō kar kōm̧m̧ane 500 peptaij ko, Iaar kōm̧m̧ane juon aō menin kōttōpar n̄an kōm̧m̧ane etale eo an menmenbwij an baam̧le kōn rūtto ro aō, im eaar em̧m̧an ippa kōm̧m̧ane etale eo jon̄an Iaar jab maron̄ kiki kōnke Iaar pukōt āt ko. Iaar lo 50 āt ko im ralitōk epepen ko in menmenbwij an baam̧le eo aō; Iaar jipan̄ kōm̧m̧an jerbal in tampeļ n̄an aoleper.

Ilo jemļo̧k in Iaar kōm̧m̧ane elōn̄ ļo̧k jān 1,300 peptaij ko, im Iaar kadiwōjļo̧k jān jemenere, kar bōk Priesthood eo an Melkisedek, im ij kiiō jerbal āinwōt juon mijenede ej jerbal aolep raan, eo eaar juon iaan menin kōttōpar ko aō reļlap tata ilo mour.