Kila na Ka Mo na Kaya

Kevaka mo vakila ni ko sega soti ni se kila na veika me baleta na kosipeli mo na wasea, yalo vakacegu ena ka e kaya na tiki ni ivolanikalou oqo:

“Drau tabalaka cake na domomudrau vei ira na tamata oqo, drau tukuna yani na veika au sa vakatakila e lomamudrau, ia, drau na sega ni vakamaduataki e vukudra na lewe vuqa;

“Raica ena soli vei kemudrau ena gauna ko ya, io ena tiki ni siga ko ya na ka mo drau vosataka” (V&V 100:5–6).

“Io, na Dauveivakacegui na Yalo Tabu, o koya ena tala mai ko Tamaqu ena yacaqu ena vakavulici kemudou ena ka kecega kau a sa vosataka vei kemudou.” (Joni 14:26).

Oqo na yalayala levu, ia meda na cakacakataka, eda na qai rawata. Ena itukutuku oqo, e vakavulici keda kina o Peresitedi Eyring meda: “Vakarau mo wasea [na kosipeli] ena nomu vakasinaita na nomu vakasama ena veisiga na dina ni kosipeli.” Na cava e rawa ni ko cakava mo vakasinaita kina na nomu vakasama na dina ni kosipeli?