Klumech er a Oldingel e Olisechakl, Ongetiu el Buil 2012

Tokubets el Usbechall me a Omesiou el Bo Moruul

Mosuub er tial klumech, e a di lungil, e msodii lobengterir a rodos el moldingel er tir. Mousbech aikel ker el smisicheterir a rodos e dirrek el rullii a Relief Society meng mo klou a belkul er a klengar kau.

siasing/Llecheklel

Olangch er a Relief Society

Klaumerang, Telungalek, Ngeseu

“A ike el ngeseu el ousbech a rechad a di nga er ngii,” ng dmu President Thomas S. Monson, “e a ta me a ta er kid a sebechel rulii a kmo ngera el mo ngoseuir a tang. … E ng di merko kid a obes a ngelsengesed e mo ngosuterir a rebebil, e ngar er ngii a kekerei el moktek er a klengar er kid.”¹

Kid el oldingel e olisechakl a sebeched e meral mo medengelterir e mo oubeltikelreng el mo er a re dersta el odos el kid a oldingel er tir. A ngeseu el doruul el mo er tirka el doldingel er tir a mo beot lokiu a beltikelreng er kid el mo er tir (mesa Johanes 13:34–35).

Ng mekera bo dodengei el kmo ngera el ngeseu er a tekingel a reng me a klechad a lousbech a rudos er kid me bo el sebeched el meruul el mo er tir se el ousbech a ngeseu? Kid el oldingel e olisechakl, a ngar er ngii a lemelted el mo ngmai a ulekrael se el doluluuch el kirir tirke el kid a oldingel er tir.

A kerkikl e blechoel odingel el mo er a rudos er kid a dirrek el klou a ututelel. A odingel lokiu a mad, dengua, tengami el melisiich a reng, e-mails, dengchokl lobengkel, a bliochel el chetengakl, mengedecheduch er ngii er a ikelesia, olengeseu er ngii se el temel a secher me a lechub a lousbech a ngeseu, me a lmuut el bebil er a omeruul a mo olengesu er a rokui el lomes er tir e melisiich er a ta me a tang.²

Kid el oldingel e olisechakl a mla medu el mer kid el mo ouchais er a omengedmeklir, me a ngii dil tokubets el ngeseu el meruul el mo er tir. A ika el mo ouchais me a ngeseu er omeruul el mo er a rodos er kid a ngosukid el ochotii a otirekled er a Kristo.³

Ngara Chedaol Llechukl

Johanes 10:14–16; 3 Nephi 17:7, 9; Moroni 6:3–4

Ngar er a Reksi er Kid

Olengeseu er a ta er a chad a di mla blechoel el moktek er tia el oldingel e olisechakl. Ngokiu a di ngar er ngii el ngeseu e kid a ngmai a bekururau me a klausechelei el mo engelakel er a chelsel a ta el buil el doldingel. A omekerreu a klou a belkul.

“A moktek er ngak a mengesuseu er kemiu el rudos me bo lak molatk el kirel a omekedo er a dengua me a lechub e ng oldingel er a ta el buil,” ng millekoi a Mary Ellen Smoot, el mle 13th el merredel er a cherrengelel a Relief Society. Ngika a melekoi el me er kid el “bai mo chemau a ulekerreuil a chelitechut el reng.”⁴

President Spencer W.Kimball (1895–1985) ulsisechakl el kmo, “Tiaikid a kmal klou a ututelel el kid a olengeseu er a ta me a ta er a chelsel a renged.” E ngii meng medengei el kmo ng diak el rokui el ngeseu a kirel meklou. “Ng blechoel, el omerelled er a ngeseu a uldimukl er ngii a beot el ungil cheldecheduch me a lechub e ng omesang a klalo … ngeseu er a di hutsu el ureor,” ngii a dilung, “e ng di ng kol uangera el kmal ungil el klebkall a mo olchotel … el mengai er a mekekerei el ureor e ng di mla er a reng er a omeruull.”⁵

© 2012 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/11. Kengei er a oidel: 6/11. Oidel a Visiting Teaching Message, September 2012. Palauan. 10369 881

Ngerang Sebechek el Rulii?

Ngak a kusiik a ulekrael el mo medengei el kmo ak mekera e onger a ike el ngeseu er a tekoi er a reng me a klechad er a dersta er a odos el ngak a mla metutk el omes er ngii?
Ng mekera rodos el tir a kumes er tir lodengei el kmo ak kmal omekerreu er tir me a telungalek er tir?