Mulwol ni Ngan Fil ni Ngan Nang, September 2012
Tin nib Tu’uf nge Murwel ni yibe Pi’
Mu fil e re n’ey, ma rogon nib mangil, mag weliy ko boech e walagey nib ppin ni gabe guy. Mu murwel ko pi duwer ni nge ayuweg nem ni nge gel nag e pi walagem nib ppin man fal’eg fare Relief Society e bang ko yafas rom nib mangil.
“Tin nib tu’f ko boech e gidii’ e gubin ngiyal’ ma bay,” e be yoeg President Thomas S. Monson, “ma ra bagdad ma rayog ni nge rrin’ ban’en ni nge ayuweg bee’. … Ngad pag daed ngak e picha’an ni gadad be ayuweg, bay boch’uw fan ko birodad e yafas.”1
Gadad ni visiting teacher e rayog ni ngad nanged a gadad tu’feg e pi sister ni gadad ba mad’eg. Ayuw ngak e picha’an ni gadad be guy e ra yib e tu’feg rodad ngoraed (muguy ko John 13:34–35).
Urogon ni rayog ni ngad nanged e tin nib tu’uf ko pi walag dad ni ppin ya ngeyog ni ngad pii’ed e ayuw napan nib tu’uf? Gadad ni visiting teacher, mil fan ngodad ni ngeyog e n’en nib mangil napan ni gadad ra meybil ni fan e picha’an ni gadad be guy.
Mu paer ni gabe non ko pi sister e kuba ga’fan. Pi mada’, fon, nge babyor ni yibe ayuweg, e-mail, paer nga to’ban, thin ni mangil, non ngak u galasia, ayuweg nike m’ar fa n’en ni tu’uf, nge ku boech e mithmith ko ayuw ngak gubin e gidii’ e ma ayuweg dad ni ngad ayuweged ma gadad gel nag gadad.2
Pi visiting teacher e kan fith ngoraed ni ngar yoeged rogon facha’ nike mangil, nge n’en nib tu’uf ko fapi sister, nge ayuw ni yibe pi’ ngoraed. Tiney e n’en ni yibe yoeg nge ayuw rodaed e ma ayuweg dad ni ngad daged rogon e gachalpen rodaed.3
Keb ko pi Chep nib Thothup
Cheppin Rodad
Ni ayuwegey e gubin ngiyal’ ma bay u lukngun e visiting teaching. U dakean e pi ayuw ni yibe paer ni yibe pi’ e gadad be fek i yib e gol nge fagar ni ra yaen u lan gubin e pul. Tu’ufeg rodad e ba ga’fan.
“Gu ba adag ni ngug wenig nag ko walagdad ni ppin ni ngar taleg ned i leam nag e call fa gubin e pul ni ngan guyey,” e ke yoeg Mary Ellen Smoot, ko fare 13th Relief Society general president. Ke yoeg ngodad ni ngan “tiyaen’uy ngay ko bin ni ngan duruw’iy e pi ya’el.”4
Ke fil President Spencer W. Kimball (1895–1985) ni, “rib ga’ fan ni ngad ayuweged gadad u lane gil’ilungun.” Machane ke poey ni gathi gubin e ayuw e ngari alamarin. “Ya ba dake, mithmith rodad ko ayuw ni ngan ayuw fa nga pi’ … ayuw ko murwel ni gubin e rran,” ke ga’ar, “machane n’en nib momaw’ nib mangil e rayog ni nge yib … ko nochi murwel nib achig machane ba falel’!”5
© 2012 ko Intellectual Reserve, Inc. Gubin ni mat’won ma bay. Nni yoloey u Mariken. Kan micheg nag ko thin nu Ngalis: 6/11. Micheg nag i pilyeg: 6/11. Pilyeg ko Visiting Teaching Message, September 2012. Yapese. 10369 905
Mange Rayog Nggu Rin?
-
Gube gay e tin nib mangil ni ngan nang rogon ni ngan fulweg taban e n’en nib thothup nge tin nib tu’uf ko pi sister ni kan pi’ raed ngog ni ngug ayuweg raed?
-
Urogon ni nge nang e pi sister ni guma ayuweg ni yad nge tabinaew roraed e yaed ba tu’uf rog?