Padahk Kan ong Atail Ahnsou
Padahk kan en kapahieu en Rahn Sarawi kan ong Priesthood en Melkisedek oh Pwihn en Sawas en Lih pahn pid “Padahk Kan ong Atail Ahnsou.” Ehuehu padahk kan kak en kaunopda sang ehu kapahrek kan de tohtohsang me kohda nan tiepene lap me imwisekla keieu kerendo (tehk me sansal pah). President kan en stake oh district kak en pilada mehnia kapahrek kan me konehng en doadoahk, de re kak kepwukoahki pisop kan oh president kan en prans met. Kaun kan konehng kangoangki kesempwalpen ohl akan en Priesthood en Melkisedek oh lih akan en Pwihn en Sawas en Lih arail pahn koaros onopiki padahk kan me kamanaman ni Rahn Sarawi me koasoandiong en kohda pwe me re padahngki en duwepenehte.
Irail akan me towehda padahk kan en kapahieu en Rahn Sarawi kangoangki en onopiki oh wahdo ni wasahn kasukuhl makasihn kapw me audepe iei kapahrek kan me kohda ni tiepene lap me imwisekla keieu kerendo.
Kaweid Kan ong Kaunopada Padahk ehu sang Kapahrek Kan
Kapakapki Ngehn Sarawi en ieiang komwi ni omw pahn onopiki oh padahngki kapahreko(kan). Komw mwein pahn kasongosong en kaunopada padahko sang iren sawas teikan, ahpw kapahrek kan en tiepene lap iei me koasoandi oh kamanaman en padahk. Ahmw pwukoa iei en sewese mehteikan esehla oh momourki rongamwahuo ni duwen eh padahk nan tiepene lap en Mwomwohdiso me imwisekla keieu kerendo.
Tehksapahl kapahreko(kan), raparapahki tepin padahk kan oh padahk kan me pahn apwaliala anahn akan en towe kan en pwihn. Pil rapahki soai kan, iren pwuhk sarawi kan, oh iren mahsen kan sang kapahreko(kan) me pahn seweseikomwi en padahngki mehlel pwukat.
Wiahda oaralap ehu me pid duwen padahngki tepin padahk kan oh padahk kan. Medewe kapatahieng peidek kan me pahn sewese towe kan en pwihn:
-
Rapahki tepin padahk kan oh padahk kan nan kapahreko(kan).
-
Medewe duwen wehweparail.
-
Ehukihda wehwe, iren madamadau kan, irair kan, oh kadehde kan.
-
Doadoahngki tepin padahk kan oh padahk kan nan arail mour.
|
Sounpwong Kan Me Padahk Kan Pahn Padahk |
Dipwisoun Padahk Kan ong Kapahieu en Rahn Sarawi |
|---|---|
|
Oaktohpe 2012–Epreil 2013 |
Kapahrek kan me kohda nan tiepene lap en Oaktohpe 2012* |
|
Epreil 2013–Oaktohpe 2013 |
Kapahrek kan me kohda nan tiepene lap en Epreil 2013* |