Na Yakavi ni Siganisucu Talei

Ena noqu tubu cake tiko, e dua na gauna bibi ena veiyabaki sa ikoya na Yakavi ni Siganisucu. O au kei na noqu matavuvale keitou na caka pizza, lagasere wavoki, ka qai soqoni vata ena dua na lotu ni Siganisucu. Keitou na laga serenilotu ena yavavala ni domovata lewe va ka ceburaka yani na sere ena neitou veimataqali iyaya ni ivakatagi. Na bogi e qai dau tinia o Ta ena dua na vakasama ni Siganisucu ka vakaturu wainimata ni marau vei keitou. A sega ni daumaka cake na bula mai na Yakavi ni Siganisucu.

Ena noqu sa qase cake vakalailai, a tekivu me qarava o noqu na e dua na gone o Kelly, keitou tiko veivolekati. E dau lako mai vale ena veisiga o Kelly ni suka na vuli ni dau cakacaka o Patty, na tinana. E vakamuri au wavoki o Kelly me vaka na luvenikoli—domolevu ka gadreva na veivuke. E dau ka-ni-veivuke ena veigauna ni mai kauti luvena yalewa o Patty ka dau vakatubura na vakacegu ena noqu itikotiko kei na matavuvale.

Dua na Tiseba, au a kidroataka ni sa sureti Patty kei Kelly o tinaqu, me rau lako mai ena Yakavi ni Siganisucu. Noqu Yakavi ni Siganisucu. E matadredredre o tinaqu ka vakadeitaka vei au, “Ena sega ni veisautaka e dua na ka.” Ia au sa kila vinaka tu. E rau na kania taucoko na keitou pizza. Ena veiwalitaka o Keli na neitou lagasere. Au sa na vakanamata ga ki na Yakavi ni Siganisucu ca duadua.

Ni sa toso mai na karobo, e rau sa maliwai keitou o Patty kei Kelly, ka keitou veivosaki ka veidredrevaki ka lagasere. E a dina o tinaqu. A qai totoka sara. E rau a vakavinavinakataki keitou ni sa bogilevu tutu ka vaka e dredre na nodrau biubiu. Au laki davo ena yalo vakacegu. Au kunea ni isolisoli mareqeti vakaidina ni Siganisucu era sega ni vakuai ena kena wasei. Ia era vakamikamicataka ga ka vakarabailevutaki ena noda wasea yani.