Mulwol ni Ngan Fil ni Ngan Nang, December 2012
Visting Teaching, a Muruwel ko Thapeg
Mu fil e re n’ey, ma rogon nib mangil, mag weliy ko boech e walagey nib ppin ni gabe guy. Mu murwel ko pi duwer ni nge ayuweg nem ni nge gel nag e pi walagem nib ppin man fal’eg fare Relief Society e bang ko yafas rom nib mangil.
Mich,Tabinaew, Ayuw
Visiting teaching ma bing e wo’en ngak fapi ppin ningar matangiyed, chathowliyed, mar filed reb—arrogon aray e muruwel ko thapeg. Udakaen e visiting teaching, pi walageg nib ppin ra machib u foen Kristus mar ayuweged e ppin ko fapi taw’ath ko e yafas nib manemus.
“Thingar ningad ‘matangiy, weliy’, ayuweg, mag fileg, mag pinningeg [reb] ningar baed ngak Kristus’ (Muguy koD&C 20:59), woed ke yoed en Somoel ulane fapi yi’iy rok,” ke yoeg President Spencer W. Kimball (1895–1985). Nge bayay, ke yoeg, “E mich rom i’ir rib fel’ e rogon.”1
Napa’n gadad e visiting teacher gelnog e nang fan ko tin riyul’ ko gospel, e mich rodaed ra gel nag nge ayuweg fapi walagegdad nib ppin nima taermedliyed ko tawfe nge confirmation. Ngad ayuweged e chonggin nib be’ech ningar laeynog ko gospel. E mo’olung rodaed nge t’ufeg rodaed ra yaeni ayuweg “pinning bayay e gidii’ ni ngar malogaed [nge] gay gwael nga fapi gum’racha’en e gidii’ kar olum ko gospel.”2 Ngad ayuweg u laniyaen’ fapi walagedad nib ppin ningar baed ngak Kristus udakaen e mo’olung u temple.
“Gimed ra thapeg e ya’el,” ke yoeg President Kimball ngak fapi visiting teachers, “nge mini’ ra nang machane ni yo’or e gidii’ nib fel’ ulane Galasia daba’ kar active gad bachane kam man ulane tabinaew roraed i kam pii’ raed be’ech rogon ko yafas, be’ech e nang fan. Ngam fek i chuw e curtain. Ngam palog’nog e lane lang rom. …
“Ngam guyed, i gimed gathi yigo’ muruwilyed e ayuw ko walagegmed nib ppin, machane ngam ayuweg fapi figirngin raed nge tabinaew roraed.”3
Keb ko pi Chep nib Thothup
Muguy koDoctrine and Covenants 20:59; 84:106; 138:56
Cheppin Rodad
Nap’an e Profet Joseph Smith ke yarmiy e Relief Society, ke yoeg e ppin ra chathowliy e gidii’ kar gafgowgad mar thapeg e ya’el. Ma fil e ppin u lane e Galasia ra ngongoliy e muruwel nib t’uf ko e kanawo’ ko yafas nib manemus rok Got i Chitamandad ku Tharmiy.4 Kan powiy’dad udakaen e likngin ni kan fili Profet Joseph Smith, gadad e walagdad i ppin ulane Relief Society ra muruweled uta’abang ningad taermedliyed fapi ppin nge tabinaew roraed ko bin thabi fel’ e tawa’ath ku Got.
“Ngad gayed e t’ufeg u fithikdad,” ke yoeg President Brigham Young (1801–77), “me yog [e gidii’ ni kar] gelnog ningar chathowliyed nib gol e gidii’ nib waer mar manged gel, me yog e gidii’ ni guyed ningar powiy’ed e gidii’ kar bling mada’ ko ngar guyed rogread.”5
© 2012 ko Intellectual Reserve, Inc. Gubin ni mat’won ma bay. Nni yoloey u Mariken. Kan micheg nag ko thin nu Ngalis: 6/11. Micheg nag i pilyeg: 6/11. Ni pilyeg ko Visiting Teaching Message, December 2012. Yapese. 10372 905
Mange Rayog Nggu Rin?
-
Urrogon e Relief Society ra taermedliyeg ko fapi tawa’ath ko yafos nib manechubog?
-
Mange rayog ninguu rrin’ ninggu gay gel michaen’ ko gidii’ u rayog rog?