Ngor er a Rubak

A Doctrine and Covenants a mengemedaol er a rokui el chad er a ngii di el ker el mo orrenges er a ngor er a Rubak el Jesus Kristo (mesa D&C 1:2, 4, 11, 34; 25:16). Ng mui er a Klemechel, uleklatk, me a omekduch e orrimel el mei er kid lokiu ocholt el mla er a rengellitel el profet. Me ngokiu a ikal ocholt eng sebeched el mes el kmo ng mekera ea Dios a onger a nglunguched el ngara klaumerang el lobengkel a tekoi er a osisechakl, budech, me a uleklatk.

Me ngokiu a nglunguched e ke dosiich el mo medengelii a soal a Dios a doruul, me a ngera kired el meruul eke de mo nguu a budech me a deureng er tiang me a merael mei el klengar, me a ikel kuk ngar medad el merael mei. A Doctrine and Covenants a mui er a nger el mo er a uai kang el ker loker er a re di chad me a re profet el ngara nglunguuch. Ng sebechel klou a belkul el omekrael el mo osisecheklid el mo ngmai a nger er a ker el kirel a klengar er kid er a beluulechad me a klengar el diak a ulebengelel.

Klengariou el reng me a klaumerang er a Rubak el Jesus Kristo a ngii a kiis. A Oliver Cowdery a ngiluu a nger er a Rubak el kirel a klemeriar reng er ngii el mo olngeseu er a oidel a Babier er a Mormon. A Oliver a lulemeklatk er ngii el sel diak a klaumerang eng diak el sebechel mekerang; meng kirel lolengit lobang a klaumerang. A Rubak a millelach er a Oliver meng diak el di lomekbeot a chedaol tekoi; e diak lolengit a ikel diak el kirel mes el tekoi (mesa D&C 8:10).

Ng blechoel betok el taem eng me chemolt el ngara Doctrine and Covenants, el Rubak a mengerechir a klaumerang me a klengariou el reng er a uchei er a le beskid a ngesou. A ta er a uchul tiang a nger er Ngii a locha diak el mei er kid el ngar sel domdasu er ngii. Ma ka le beot er kid el mo kongei otireklel.

A reksi er a Ikelesia me a le riruul a rebeldeked a ochotii tia el klemerang. A demal a demak el Henry Eyring a mle blak a rengul el meluluuch me bo lodengelii a kirel meruul er a le rengesii a osisecheklel a olutel a ebangkelio er a 1855. A nger a mlei lulekiu a berrous.

Ng ulemerous el lekong dengchokl er a tebel lobengkel a Elder Erastus Snow er a Chelechad er a Teruich me a Terung el Apostol me a elder el ngklel a William Brown. A Elder Snow a ulsisechakl er a ebangkelio el ual blel tal sikang. E okor e a Elder Snow a millekoi, “Loba ngklel a Jesus Kristo e ak kmu er kau me ke mo nguu a techolbechelid eng ka kid el chad el [Elder Brown] … a mo meskau a techolb.”¹ A telungalek er ngak a dmeu a rengmam el Henry Eyring a uleba klaumerang me a klengariou el reng meng mlo metecholb er a 7:30 er a tutau er a delelualou el ralm er a chull er a St. Louis, Missouri, USA, el miltecholb er a Elder Brown.

A nger er a nglunguchel a dimlak el mei el derengesii el ngor er a Rubak. Ng mlei lokiu a ues me a berrous er a klebesei, el di ua Lehi (mesa 1 Nephi 8:2).

A Rubak a mla osisecheklid el kmo a nger a dirrek el sebeched el melchesuar. Me ngara Doctrine and Covenants ea Rubak a ulisechakl er a Oliver Cowdery el kmo Ngii a mo ouchais er kid el ngara uldesued me a rengud lokiu a Chedaol Reng, el ngii e mei er kid e kiei er a chelsel a rengud (mesa D&C 8:2).

A uriul ea Rubak a ulemeklatk er a Oliver Cowdery el kmo Ngii a millekoi me a budech le bora uldesuel a Oliver (mesa D&C 6:23). Kol ngera el mesisiich el sioning a sebechem el nguu el diak el mlara Dios? (mesa D&C 63:23).

A Doctrine and Covenants, reksi er a Ikelesia, me a reksi lulngedmokl er ngii a Henry Eyring er a le ngara mision er a le dirk le miltecholb a mla osisecheklak el nger a sebechel bo domelchesiu el uleklatk me a dirrek el budech.

Sera April 1857, ea Elder Parley P. Pratt er a Chelechad er a Teruich me a Terung el Apostol a mle ngara ongdibel er a beluu el ngii er chelechang a Oklahoma, USA. A Henry Eyring a milluches el kirel a Elder Pratt “a udesuel a mle imis el mui er a klengit el reng … , meng diak el sebechel mo ungil mes a ngar medal tekoi malechub a techall el mo imiu er ngii.”² A Henry milluches er a mekngit a rengud er ngii el chais er a kodellel ngii el Apostol el di mle mereched er a uriul er tiang. Meng ulemelchesiu er a kengaol eng di a Elder Pratt a millemolem er a le borngii, el kmal diua ikel riruul a Profet Joseph er a lorael el mora Carthage.

Ng klaumerang er ngak el Rubak a blechoel longer a nglunguuch el ngara klaumerang. A Doctrine and Covenants me a bla de ngarngii el omeruul a osisecheklid el mo omtab a ikel nger e kongei loba klaumerang, el ngii a locha mle omekrael, olterkokl a klemerang, malechub eng uleklatk. Ak meluluuch me kede mo blechoel el mo orrenges e mo omtab er a ungil ngor er a Rubak.