Taiaoka Kamaiua Nanou

N tain kauringan maten tariu, I uring au tai ni iangoa te tai are e mate iai. I aki ti uringa te maraki are e nang korakora are I namakinna ma bon kakabwaia are e anganai te Atua.

I aki kona ni mataata raoi bwa a kanga n taekinna aomata bwa maten ae ko tangiria e kona ni uoti taian kakabwaia. I aki ota raoi bwa e na kanga n anganiko te kukurei ao te karabwarabwa ibukin te bwai ae rangi ni kamarakiko. E ngae n anne, iai te tairiki teuana are e bita aron au taratara ni kabanea..

I uti inanon te nukanibong ma nanou ae rangi n rawawata are e aki rereke mai imwaina. E bon rotai te maraki. I katorobubua iaon rangau ao n anga au tataro nakon Tamau are i Karawa. Ni kabanea maiu I a tia n reiakinaki ana Mwakuri ni Kamaiu ao ana Kakai ni kamaiu Iesu aika korakora. Ngkai e a kataki au onimaki. I a tia ni kakoaua raoi? I bubutia Tamau are i Karawa bwa e na kamaiua nanou. Te maraki e rangi ni korakora bwa N na kaitara n ti ngai.

Ngkanne te namakin ae rau, mani kabebete, ao te tangira e rota rabwatau ni kabuta. I namakinna bwa te Atua e rabwatai ni baina ao man kawakinai man te maraki ae korakora are I namakinna. I bon reitinako n nanokawaki ibukin tariu, ma I kona n noria ni matau aika kaokoro. E rang ni mwaiti mairou are N na reiakinna man te bwai ae I rinanona aei.

I ataia bwa ana tangira ao ana raoi te Uea a tauraoi. Ti kainanoia n ti anaia.