Mej im Mour

Juon bwebwenato in juon Rikwojarjar in Scandianavia eo jab jeļā kajjeen eo ej jemān ļaddik eo edik eaar mej ilo iaļ eo an jān New York n̄an Utah ilo 1866.

“Kōn jipan̄ an juon m̧ōttan, lōb in edik kar totake im jikin eo itōrerein. Nin̄nin̄ eo eaar mej jān juon nan̄inmej ekapopo, eaar ejjeļo̧k jarlepju in ribūrom̧ōj ro, ejjeļo̧k ilo̧mej, ejjeļo̧k wūt ko, ejjeļo̧k al in jetōb, ejjeļo̧k naan in burom̧ōj kar kōnono kake. Ak m̧okta baba eo eaar limō eaar em̧m̧akūt kar ba juon jar in kōjeram̧m̧an ekadu ilo kajin eo an make (Danish) āinwōt: …

“‘Jemedwōj Ilan̄: Kwaar letok n̄an eō menin eaorōk—ļaddik in jitōn bōro, im kiiō Kwaar kūri. Kwomaron̄ ke letok bwe maalkan en maron̄ pād ijin ilo ejjeļo̧k kakkure m̧ae jibbon̄ in jerkakpeje eo. En Ankilaam̧. Amen.’

“Im jerkaktok jān bwidej naan in kajjem̧ļo̧k ko an rekar:

“‘Jeram̧m̧an, aō jitōn bōro Hans—nejū ļaddik eaiboojoj.’ Innām kōn bar ej badik im en̄jake in būrom̧ōj ko, eaar ļōmņak in ukōt iaļ eo an n̄an jikin camp eo an.”¹

Būreejtōn Joseph Smith (1805–44):

“Ewi wāween kainōm̧m̧an rilimō ro n̄e rej kūr n̄an ilo̧k jen ļeo pālelen lio pālelen, jinen, jemān, nejier nin̄nin̄, ak nukwin ejitōn bōro, im jeļā bwe, men̄e ānbwinnid ej babu im kōtļo̧k, renaaj bar jerkak n̄an pād indeeo ilo jab wabanban ewāppen, ejjab n̄an būrom̧ōj, en̄taan, ak mej bar juon alen, ak renaaj rijolet an Anij im koba rijolet ippān Jisōs Kraist.”²

Joseph Watson Young (1828–73), man̄den Brigham Young eo eaar ito itak jān England n̄an United States ilo 1853:

“Eaar juon pija ekabūrom̧ōjm̧ōj n̄an kalbwin bar juon armej ilo̧m̧aļo̧ likwaļben bon̄ ippān jet wōt rikam̧ool ro raajimakeke. … Eaar ejjeļo̧k nukwin ioon wa eo ak jabdewōt armej n̄an būrom̧ōj kake ijjelo̧kin juon rikarejaren. Men kein rej kōjatdikdik ko an iakwe ilo piktokin armej kar jorrāān ilo juon iien. Likao in eaar kōjekdoon men otemjej n̄an etal n̄an Zaion, im būruwōn eaar obrak kōn kōjatdikdik im jibadbad ko ilju im jekļaj, jidik ļōmņak eaar ilo̧k kōtmene bwe enaaj maron̄ mej ilo̧m̧aļo̧. Mekarta, eaar mej ejjab āinwōt jabdewōt ro ejjeļo̧k aer kōjatdikdik, n̄an an aenōm̧m̧an eaar kōm̧m̧an ippān an Anij, im eaar wōr ippān kam̧ool eo elikio kōn juon jerkakpeje eo eaiboojoj ilo jibbon̄ eo an jerkakpeje eo.”³

Būreejtōn Brigham Young (1801–77):

“Ej juon kom̧laļ in nan̄inmej! N̄an eļļā jān jekjekin ilo mour in āidein āinwōt ānbwinnin wabanban in ej inepata eo, ilo juon state ejjeļo̧k kobban, ekōjkan menin. Ekōjkan an marok kom̧laļ in! Ekōjkan an kabwilōn̄lōn̄ iaļ in, im jej aikuj in ito itak ie make iaad. Ikōņaan ba n̄an kom̧, ro m̧ōtta im ro rejitōn bōro, eļan̄n̄e jemaron̄ kar loe men kein āinwōt er, im āinwōt jenaaj loi im meļeļe er, ellor in emarok im kom̧laļ in elukkun dik bwe jenaaj oktak im lale im ļōmņak, n̄e jej kijoone, etke menin ej jeram̧m̧an eo eļap ilo aolepān mour eo aō, bwe iaar eļļāļo̧kjen juon jekjek ekabūrom̧ōjm̧ōj, limō, jan̄, kaamjak, ejjerwawa, metak, liajļōļ im ebbeer ilo juon jekjek in mour, ijo imaron̄ lan̄lōn̄ kōn mour n̄an jon̄an eo letok mekarta emaron̄ kōm̧m̧an ilo an ejjeļo̧k juon ānbwin.”⁴

Dan Jones (1811–62), Welsh rioktak eo, eaar pād ippān Mrs. Williams im membōr ro jet an Kabun̄ in, ro raar jerakļo̧k n̄an United States ilo 1849:

“Mrs. William, jen Ynysybont turin Tregaron [Wales], ājmour eo an eaar m̧ōkaj an nana ļo̧k, im kōkkaļļe ko rej kwaļo̧k bwe ej jamin naaj mour eaitok. … Eaar ba bwe utiej eo eļaptata me eaar maron̄ bōke ekar n̄an maron̄ erom juon membōr in kabun̄ eo em̧ool an Nejin Anij, bwe eaar ejjeļo̧k mijak ilo kōļmenļo̧kjeņ kōn mour ko jet im bwe Kabun̄ eo an kiō eaar kam̧oole kajoor eo an eļapļo̧k jān m̧okta. … Eaar m̧ool kapilōk ļaddik ro nejin n̄an tōmak wōt m̧ae mej bwe ren naaj maron̄ bōk ippān juon jerkakpeje eo em̧m̧an. … Eaar wōnm̧aanļo̧k kōnono ilo bon̄on̄ eo, im emān ron̄oul ļalem jibbon̄ōn̄ eo jetōb eo an eaar em̧m̧akūt ilo aenōm̧m̧an, kōm̧mane juon ettōn̄ dikdik ilo tien.”⁵

Būreejtōn John Taylor (1808–87):

“Ekōjkan rōjan̄ ilo menin n̄an ro rej aikuj in būrom̧ōj kōn jako eo an ro m̧ōttāer rejitōn bōro ilo mej, n̄an jeļā bwe jenaaj bar juon alen iiaio ippāer! Ekōjkan kōketak aolep ro rej mour ekkar n̄an pedped ko rem̧ool kar waļo̧k, bōlen ej lukkuun jelet ro otemjej mour ko aer kar joļo̧k, ro raar ļotaktok kōn māņāān im eddodo an juon raan, n̄an jeļā bwe etto m̧okta jenaaj rube tōrerein lōb ko, im jetōb ko rej jab wabanban naaj waļo̧ktok, n̄an lan̄lōn̄ ilo jukjukinpād an ro m̧ōttad, ejjeļo̧k bar ikkinejnej kōn ine ko an mej, im n̄an kamōj jerbal eo an Jemād eo eaar letok n̄an kōj n̄an kōm̧m̧ane!”⁶

Andrew Jenson (1850–1941), Danish rūm̧m̧akūt eo eaar itok itak ilo Andrew H. Scott waikōn kopani eo jān Nebraska, USA, n̄an Utah ilo 1866:

“N̄e jaar kam̧ool m̧aalkan [riito itak ro m̧ōttad] ānbwinnid raar pād wōt im kar doori ilo laļ in, ilo āne jam̧den, kōj aolep kar jan̄, ak en̄jake āinwōt limō; kōn ļōmņak eo n̄an kalbwin juon eo ejitōn bōro ilo wāween in, n̄e ro m̧ōttad im ro nukid rej aikuj em̧m̧akūt, ilo ejjeļo̧k kōjatdikdik n̄an bar lotok jikin kakkije ko an aer bar mej, eaar kabūrom̧ōjm̧ōj im ilo m̧ool pen. … Ak lōb ko aer naaj maron̄ loi n̄e Gabriel ej uk jilel eo an ilo jibbon̄in jerkakpeje eo kein kajuon. Rein raar em̧m̧akūt im kar likūt ānbwinnier ke raar m̧aajļo̧k n̄an Zaion. Irooj ej kūr er n̄an m̧weo m̧okta jen aer kar tōpar mejān kajjik eo; raar jab maron̄ loe Zaion ilo kanniōk; ak renaaj bōk ānbwin eaiboojoj im lan̄lōn̄ tokālik; raar mej iien eo rej kajjieon̄ in pokake Anij im kōjparok kien ko an, im jeram̧m̧an n̄an er ro raar mej ilo [Irooj].”⁷

Būreejtōn Wilford Woodruff (1807–98):

“Eļan̄n̄e ejjab ko̧jpeļ eo an Kraist, jepeļo̧k jen mej ej juon iaan unin kōnono eo ejjeļo̧k kōjatdikdik ie eo epen n̄an kōļmenļo̧kjen kake; ak baj āinwōt ilo ad bōk ko̧jpeļ eo im ekkatak pedped eo kōn jerkakpeje ejjeļo̧k kōjatdikdik in, būrom̧ōj im en̄taan eo kar kōm̧m̧an jen mej rej, pād ilo juon leļo̧k eo eļap, eo em̧ōj bōkļo̧k. … Jerkakpeje eo an ro remej ej kwaļo̧k e make im̧aan kōļmenļo̧kjeņ eo emeram an armej, im ewōr juon pedped in n̄an jetōb eo an n̄an kakkije ioon. En̄in ej jekjek eo an Armej ro Rekwojarjar ilo Raan-ko Āliktata n̄an rainin. Jejeļā kōn kōj make, jej jab pād ilo marok ekkar n̄an menin; Anij eaar kwaļo̧ke n̄an kōj im jej meļeļe pedped eo an jerkakpeje jen ro remej, im bwe ko̧jpeļ eo ej bōktok mour im jab wabanban n̄an meram.”⁸

William Driver (1837–1920), paineer eo eaar ito itak jān England n̄an New York, USA, ilo 1866:

“Willie, ajri eo nejū ejitōn bōro, eaar lukkuun nan̄inmej aolepān bon̄ōn̄ eo m̧ae 7:30 a.m., ke eaar bōjrak jān en̄taan eo an. Anij ej kōjeram̧m̧an jetōb eo an. Ekōjkan an kar en̄taan. Eaar itok n̄an an mej jen rub an cart eo waan MR. Poulter ilo St. Ann’s Hill, Wandsworth, Surrey, England. O, ekōjkan aō būrom̧ōje en̄taan in eļap. O Irooj, jipan̄ eō kōn kajoor eo Am̧ n̄an bōke eļan̄n̄e Ankilaam im letok n̄an eō kajoor n̄an jerbal eļapļo̧k im tiljekļo̧k n̄an Kwe, im imaron̄ in mour n̄an m̧aanjebpopo n̄an ioon e ilo juon lan̄ elem̧ōņōņōļo̧k im em̧m̧anļo̧k ippān jejtōr eo an ejitōn bōro, Elizabeth Maryann, im ilo jerkakpeje eo an raan eo inaaj pād ijeņ n̄an iioon er.”⁹

Būreejtōn Lorenzo Snow (1814–1901):

“Ilo mour eo tok juon enaaj wōr ad ānbwin aiboojoj im renaaj joor jān nan̄inmej im mej. Ejjeļo̧k eaiboojojļo̧k āinwōt juon armej ilo nememein ānbwin ejerkakpeje im aiboojoj. Ejjeļo̧k juon men em̧m̧anļo̧k jen erom nememein in im kōrā ro pāleed im ajri ro nejid im ro m̧ōttad rej pād ippād.”¹⁰