Iren Mahsen en Padahk en Pas, Epreil 2013
Inou Sarawi kan en nan Tehnpas Sarawi
Onopiki ni kapakap iren mahsen wet oh, ni eh pahn konehng, koasoaiahkihieng lih akan me komw kin pwarek. Doadoahngki peidek kan pwehn seweseikomwi kakehlailih riomw lih akan oh pwehn elehieng Pwihn en Sawas en Lih en wiahla pali kesempwal en pein ahmw mour. Pwehn alehdi iren kapehse kapatapat, tehk reliefsociety.lds.orgw.
“Tiahk sarawi me kin alahldi nan tehnpas sarawi me kahrehieng kitail en ehu rahn pwurala rehn Samatail Nanleng ni atail wia peneinei soutuk ehu oh alehdi kapai oh manaman sang powe kin warohng tohnmetei oh doadoahk koaros ,”1 President Thomas S. Monson mahsanih. Ma komw saikinte pidelong nan tehnpas sarawi, komw kak kaunop ong ale tiahk sarawi en nan tehnpas sarawi sang ni omw:
-
Kamehlele Sahm Nanleng, Sises Krais, oh Ngehn Sarawi.
-
Kakehlailih pein ahmw kadehdepen Tomw en Sises Krais oh rongamwahu kopwurupwurdohu.
-
Utung oh idawehn soukohp me momouro.
-
Kin warohng kolokol kisin likoun mweimwei ong nan tehnpas sarawi sang ni ahmw kin pwain meiroang en eisek kis ehu, kapwaiada kosonned en mwakelekel, kin wia oh nda me mehlel, kapwaiada Mahsen en Eripit, oh momourki padahk kan en Mwomwohdiso.
-
Tohnmeteiki ahmw ansou, koahiek, oh dipwisou kan en sewese kauada wehin Kauno.
-
Iang wia doadoahk en poadoapoad en peneinei.2
President Monson doula oh padahngki, “Ni atail tamataman inou sarawi kan me kitail kin wiahda [nan tehnpas sarawi], kitail pahn ahpwete kehlailla oh kakohng apwalih kahpwal koaros oh powehdi ehuehu kasongosong.”3
Sang Pwuhk Sarawi Kan
Sang Atail Poadoapoad
“Tohtohsang Souleng 5,000 kohla nan Tehnpas Sarawi en Nauvoo mwurin e kasarawilahro. …
“Roson, manaman, oh kapai kan me pwildohsang inou sarawi kan en nan tehnpas sarawi kin [utung] Souleng en Imwin Rahn Akan nan arail seiloaklahng [palikapi], ni arail [lokolongki] lemwlemwur, karakar, duhpek, paisuwed, soumwahu, paiohla, oh mehla.”4
Duwehte tohn Pwihn en Sawas en Lih tohto, Sarah Rich iang doadoahk nan tehnpas sarawi. E koasoaiahki dahme e loieng: “Ma sohte pwoson oh kamarain me pwildohng kiht nan tehnpas sarawio sang ni … Ngehn en Kauno, aht seiloako pahn kak rasehng aht lusla nan rotorot. … Ahpw se pwoson Samat Nanleng, … se pepehm me se wia Sapwellime aramas malipilip kei … , oh ni soupeikasal, se pehm me rahn en aht komourla leledohr.”5
Sahio sohte wia “lusla nan rotorot” ong lih Souleng en Imwin Rahn pwoson akan . Arail inou sarawi kan en nan tehnpas sarawi utung irailda.
© 2013 sang Intellectual Reserve, Inc. Kolokol pwuhng koaros. Ntingda nan USA. Kamanaman ong lokaiahn wai: 6/12. Kamanaman ong kawehwe: 6/12. Kawehwehpen Visiting Teaching Message, April 2013. Pohnpeian. 10664 885
Dahme I Kak Wia?
-
I kin kalapw iang kaudok nan tehnpas sarawi?
-
I kin kangoange riei serepein kan en ale kapai kan me kohsang nan tehnpas sarawi?