Aagyakaari Hone se Aashirwaad Milta hai

Mere pyare bhaaiyon aur bahanon, aaj subha tumhare saath hone mein main abhaari hoon. Main tumse vishwaas aur prarthnaon ko chahata hoon jab mujhe tumse baatein karne ka saobhaagye mila hai.

Sadiyon se, aadmi aur mahilaaein gyaan aur samajh ko dhoondh chuke hai is maranshil jiwan ko lekar aur unka sthaan aur lakshye ko lekar, tatha shaanti aur khushiyaali ko praapt karne ka tarika. Hum mein se har ek is khoj mein shaamil hai.

Yah gyaan aur samajh sabhi insaan ko praapt hua hai. Woh us sachchaai mein hai jo anant hai. Doctrine and Covenants bhaag 1, verse 39, mein hum padhte hai, “Prabhu hi Parmeshwar hai, aur aatma gawahi deta hai, aur gawahi sachcha hai, aur sachchaai hamesha ke liye hai.”

Shaayar ne likha:

Kuch puchenge, “Kaha yah sach ko pa saktein hai, aur kis tarah hum pehchaanenge?” May 1833 mein Kirtland, Ohio mein Bhavishyevakta Joseph Smith dwara di gayi bhavishyevaani mein, Prabhu ne ghoshna ki:

“Sachchaai gyaan hain cheezon ka jaise woh hain, the, aur honge, aur jaesa wah tha, aur jaesa wah aage hoga. ……

“Sachchaai ki Aatma Parmeshwar se hai. …

“Aur koi manushye ise purn rup se haasil nahin karta jab tak woh Unki aadeshon ka paalan nahin karta.

“Woh jo Unke aadeshon ka paalan karta hain sachchaai aur roshni paata jab tak woh sachchaai ki mahima na haasil kar leta aur saare cheezon ka gyaan na mil jaata.”²

Kitna shaandaar vaada! “Woh jo Unke aadeshon ka paalan karta hain sachchaai aur roshni paata jab tak woh sachchaai ki mahima na haasil kar leta aur saare cheezon ka gyaan na mil jaata.”

Yahan par tumhare ya mere liye koi zaroorat nahi hai, is samay jab humare paas kaafi gyaan hai jab susamachaar ki purti punaharsthaapit ho chuka hai, sachchaai ki khoj mein us tarah jo pahale kabhi nahi hua tha. Ek pyare Swarg ke Pita ne humare kaarye ko kiya hai aur vishwaas se bhare maarg—ko diya hai jo aagyakaari hona hai. Sachchaai ki gyaan aur humare mahaan sawaalon ke jawaab hume miltein hai jab hum Parmeshwar ke aagyaaon ka paalan karte hai.

Hum apne jiwan bhar aagyakaari banna sikhte hai. Jab hum chote hote hai ussi samay shuruwaat hota hai, jo humare dekhbhaal ke zimmedaar hote hai weh humare surakcha ke liye maargdarshan aur niyamon ko banate hai. Jiwan hum sab ke liye asaan hoga jab hum puri tarah se in niyamon ka paalan karte hai. Hum mein se kai, phirbhi, anubhav se seekhte hai agyakaarita ka gyaan.

Jab main badha ho raha tha, har garmi mein July ke shuruwaat se September ke shuruwaat tak, mera parivaar humare cabin par hi rahate Utah Provo Canyon Vivian Park par.

Mera sabse achcha mitra us dekhbhaal ke dinon ke dauraan Danny Larsen the, jinke parivaar ke paas Vivian Park mein cabin tha. Har din woh aur main us sthaan ke ird-gird jaate, jahan kai masti ke cheezein thi jawaan ladkon ke liye karne ko, naali aur nadi mein machli maarna, pattharon aur dosre kimti cheezon ko ikattha karna, chalna, chadna, aur har din ke har chan aur ghante khushi se guzaarna.

Ek subha Danny aur mainne faesla kiya ki hum ek campfire karenge us shaam ko humare sabhi pados ke mitron ke saath. Hume sirf nazdeek ke ek sthaan ko saaf karna tha jahan hum sab ikattha hote. June ka ghaas jo pure sthaan par faela hua tha jhura aur tootne laga tha, sthaan ko humare kaam laayak nahi choda tha. Humne lambie ghaas ko todna shuru kiya, ek bade sthaan, ko saaf karne ki yojna banate hue. Hum apni puri shakti se ghinch ghinch kar tode, magar hum sirf mutthi bhar ke ghass ko hi tod sake. Hum jaante the ki yah din bhar ka kaam tha, aur humare shakti aur chamta kam ho rahi thi.

Aur phir jo mere aath-saal-ke umra ke mann mein sahi parinaam aaya tha. Mainne Danny se kaha, “Hume bas is sthaan par aag lagaana hai. Hum sirf ghaas ke beech mein jalaaenge!” Main turant hi maan gaya, aur main apne ghar ki or dauda maachis laane ke liye.

Taaki tum mein se koi yah na soche ki hume us aath saal ki jawaan samay par maachis ka istemaal karne ki manzoori thi. Main yah saaf taur se batlana chahata hoon ki mujhe aur Danny dono ko maachis ki istemaal karna bina buzurg ki nigraani mein mana tha. Hum dono ko baar baar chetaouni mili thi aag ke khatre ka. Phirbhi, mujhe pata tha ki parivaaar kaha maachis rakhte the, aur hume sthaan ko saaf karna tha. Mujhe dosre khayaal aane se pahale, Main apne ghar par dauda aur maachis ke kuch tilion ko le aaya, yah dekhtey hue ki koi dekh nahi raha tha. Mainne use apne ek jeb mein chipa liya.

Main Danny ke paas waapis daud gaya, khushi se bhara hua ki mere jeb mein us musibat ka hal hai. Mujhe yaad hai sochna ki aag sirf utna hi dur faelega jitna hi hum chahate the aur phir kisi tarah jaadu se aag bujh jaaega.

Mainne ek maachis ko ek patthar par jalaya aur June ki ghaas mein aagi laga diya. Yah us tarah badha jaese ki gas chodi hui ho. Pahale Danny aur main khush hue jab humne ghaas ko jaltey hue dekha, magar baad mein aesa hua ki aag khud hi nahi bhujnewaali thi. Hum dar gaye jab humne yeh jana ki hum use bhujane ke liye kuch nahi kar saktey the. Wah badhti hui aag pure ghaas ki or badhne lagi upar pahaad ki or, ‘pine’ ki pedon ko aur sabhi cheezon ko nuksaan pahuchaati hui jo unke raastey mein padta.

Ant mein humare paas koi bhi raasta nahi tha bina madad ko daudne ke siwaaye. Jald hi jitne Vivian Park ke aadmi aur mahilaaein the bhaagne lage aage aur piche paani se bhare thaelon ko lekar, aag ko bhujaane ke liye. Kai ghanton ke baad aakhri bachi hui aagi ke lapte ko bhujaya gaya. Kai saalon ke ‘pine’ ke pedon ko bachaya gaya, gharon tak pahuchne waale aag ko bhi thama gaya.

Danny aur mainne kai mushkil magar zaroori shikshan ko sikha tha us din—aagyakaari hone ki zaroorat ki ahemiyat ko.

Yahan par kaeda aur niyam hai humare sharirik suraksha ko le kar. Usi tarah, Prabhu ne maargdarshan aur aagyaon ko madad ke liye diya hai humare dhaarmik suraksha ke liye taaki hum is maranshil jiwan ke musibaton ko safalta se jhel sakein aur Swarg ke Pita ke paas waapis ja sakein.

Sadiyan beet chuki hai, Samuel ne ek peedi ke logon ko batlaya jo jaanwar ko balidaan kartey the ki, “Paalan karna to bali chadhane se, aur sunna bhedon ki charbi se behtar hai.”³

Is yug mein, Prabhu ne Pradhaan Joseph Smith ko batlaya ki Use “hriday aur ichcha se karne waale mann ki zaroorat hai; aur jo ichcha ko pura karne waale aur aagyakaari honge in antim dinon mein Zion ki dharti ki achchaai khaaenge.”⁴

Sabhi bhavishyevaktaon, purane aur naye, jaante hai ki mukti ke liye aagyakaari hona zaroori hai. Nephi ne batlaya, “Main jaaunga aur wah kaam karunga jiska aagya Prabhu ne di hai.”⁵ Chahe auron ne apne vishwaas aur apne aagyaaon ka paalan nahi kiya tha, Nephi kabhi asafal nahin hue Prabhu ka kaha manne mein. Iske parinaam mein kai peediyon ko ashirwaad mila.

Abraham aur Isaac ki kahani se aagyakaari hone ka bahot prerna milta hai. Abraham ke liye bahot hi kathin raha hoga Parmeshwar ke aagya ka paalan karna, apne pyare Isaac ko Moriah ke zameen tak le jaana usko balidaan karne ke liye. Kya hum Abraham ke udaasi ko soch saktey hai jab wah us niyukt hue sthaan par ja raha tha? Zaroor dono uske sharir aur mann bahot hi peeda se dukhit hue honge jab laachaar Isaac, ko vedi par letaya tha, aur churi ko nikala use kaatne ke liye. Sthir vishwaas aur Prabhu mein pure vishwaas ke saath, usne Prabhu ke aagya ka paalan kiya. Yah prakaashan kitna aschariye tha, aur Abraham bahot hi khush hua hoga jab usne yah suna hoga: “Us ladke par haath mat badha, aur na use kuch kar; kyunki tu ne jo mujh se apne putra, waran apne ek laute putra ko bhi nahirakh choda; isse ab main jaan gaya ki tu Parmeshawar se bhay rakhta hai.”⁶

Abraham ko aazmaaya aur jaancha gaya, aur uske vishwaasi aur aagyakaari hone ke liye Prabhu ne use apne mahaan vaade ko diya: “Prithivi ki saari jaatiyaan apne ko tere vansh ke kaaran dhanye maanengi; kyunki tu ne meri baat maani hai.”⁷

Haalaanki hume us tarah se apne aagyakaari hone ka saboot itne bhayankar dhang se nahi dena padta hai, phir bhi aagyakaari hona hume bhi zaroori hai.

Pradhaan Joseph F. Smith ne October 1873 mein batlaya, “Aagyakaari hona swarg ka pahala niyam hai.”⁸

Pradhaan Gordon B. Hinckley ne batlaya, “ Parmeshwar ke salaah … par aagyakaari hona zaroori hai Antim-din Santon ke khushiyon, Antim-din Santon ke shaanti, Antim-din Santon ke badhanti, Antim-din Santon ke safalta, aur apne logon ke anant mukti aur anant jiwan ke liye.”⁹

Aagyakaari hona bhavishyevakton ka khaas gun hai; is se unhe tamaam itihaas se shakti aur gyaan praapt hua hai. Hume yah jaanna zaroori hai ki, hum bhi, is shakti aur gyaan ke mul ko praapt kar sakte hai. Aaj yah hum sab ko aasaani se praapt ho sakta hai jab hum Parmeshwar ke aagya ka paalan karenge.

Tamaam saalon se, main ne anginit vyaktiyon ko jaana hai jo khaaskar vishwaasi aur aagyakari hai. Mujhe unse ashirwaad aur prerna mili hai. Main un mein se do ayse vyaktiyon ke vishay mein batlana chahta hoon.

Walter Krause Girjaghar ke ek atal sadasye the jo, apne parivaar ke saath, East Germany mein rahata tha jo Dosre World War ke baad se jaana gaya tha. Mushkilon ke bawajood kyunki us samay duniya ke us sthaan par azaadi ki kami thi, Bhaai Krause ek aadmi tha jo Prabhu se pyaar aur sewa karta. Usne vishwaas se aur saaodhaani se apne saare kaarye ko pura kiya.

Dosra aadmi, Johann Denndorfer, Hungary ka ek niwaasi, Germany ke Girghar mein parivartit hua aur 1911 mein 17 saal ki umra mein baptisma ko liya. Uske kuch der baad hi wah Hungary laut gaya. Dosre World War ke baad, wah ek kaedi ban gaya tha apne hi desh mein, Debrecen ke shahar mein. Hungary ke logon se bhi azaadi le liya gaya tha.

Bhaai Walter Krause, jo Bhaai Denndorfer ko nahi jaanta tha, uska ghaleru shikshak banaya gaya tha aur use hamesha bhent karna pada. Bhaai Krause ne apne bhent karne ke saathi ko bulaya aur usse kaha, “Hume ek kaam saupa gaya hai Bhaai Johann Denndorfer ko bhent karne ka. Kya tum is safta mere saath ja kar use dekhne aur susamachaar ke sandesh ko dene ke liye uplabdh rahoge?” Aur phir usne aage kaha, “Bhaai Denndorfer Hungary mein rehta hai.”

Uske chaunke hue saathi ne pucha, “Hum kab jaenge?”

“Kal,” Bhaai Krause ne jawaab diya.

“Kab hum ghar waapis jaaenge?” saathi ne pucha.

Bhaai Krause ne jawaab diya, “O, ek haftey mein shaayad—agar hum waapis lautsakein.”

Do gharelu shikshan saathi nikal pade Bhaai Denndorfer ko bhent karne, bus aur train se Germany ke uttarpurab ki sthaan se Debrecen, Hungary—tak safar karte hue jo ek lambi safar thi. Bhaai Denndorfer ke paas koi gharelu shikshak nahi tha ladaai se pahale se. Ab, jab unhonne in Prabhu ke sewakon ko dekha, wah khushi se bhar gaya ki weh waha gaye. Pahale wah unse haath nahi milana chahata tha. Balki, wah apne kamre mein gaya aur ek chote se almaari se ek bakse ko laya jismein uske daswe hisse the jo usne kai saalon se sambhaal kar rakha tha. Usne apne gharelu shikshakon ko diya aur kaha, “Ab mainne Prabhu ko apne daswe hisse ko bhar diya hai. Ab Main Prabhu ke sewakon se haath milaane ke kaabil hoon!” Bhaai Krause ne mujhe baad mein batlaya ki shabd nahi the yah batlaane ke liye ki unhonne kaesa mehsoos kiya tha ki is vishwaasi bhaai, jis ke paas kai saalon se Girjaghar ka koi samparkh nahi tha, ne apne kamaai se 10 pratishad ko aagyakaari hone aur hamesha se nikala jise daswe hisse ki tarah bharta. Usne bachaya tha yeh nahi jaantey hue ki kab ya kahan use aosar praapt hoga yah bharne ka.

Bhaai Walter Krause nao saal pehle 94 saal ki umra mein guzar chuke hai. Usne vishwaas se aur aagyakaari hokar apne jiwan bhar sewa kiya aur mere liye ek prerna tha aur un sab ke liye bhi jo unhe jaante the. Jab saupa gaya kaam ko karne ko kaha jaata, wah kabhi sawaal nahi puchta, wah kabhi shikaayat nahi karta, aur kabhi bahaane nahi banata.

Mere bhaaiyon aur bahanon, is jiwan ka mahaan pariksha aagyakaari hona hai. “Parmeshwar ne yeh kaha ki weh hume saboot denge agar hum wah sab karenge jo Parmeshwar humare Pita hume aagya dete hai karne ko.”¹⁰

Uddhaarkarta ne batlaya, Sabhi jo Prabhu se ashirwaad chahate hai niyam aur haalaaton ko zaroor maanna chahiye jo ashirwaad ke liye niyukt hue hai, jab ki weh duniya ke neev se pahale banaye gaye the.”¹¹

Humare Uddhaarkarta se mahaan aagyakaari hone ka uddhaaran aur koi nahi hai. Paul ne Uske baare mein batlaya.

“Putra hone par bhi, usne dukh utha utha kar aagya maanni sikhi;

“Aur sidh bankar, apne sab aagya maannewaalon ke liye sada kaal ke uddhaar ka kaaran ho gaya.”¹²

Uddhaarkarta ne Parmeshwar ke sachche pyaar ko dikhlaya sahi jiwan ko bitane se, pavitra mission ko pura kar ke jo Usi ka tha. Wah kabhi abhimaani nahi tha. Usne kabhi ghamand nahi kiya. Wah kabhi raaj drohi nahi tha. Wah humesha vinamra tha. Wah humesha sachcha tha. Wah humesha aagyakaari tha.

Bhale hi Usko lalchaaya gaya beimaani ke guru dwara, haa khud shaetaan; bhale hi woh shaaririk taur se kamzor ho gaya tha 40 din aur 40 raat ke upwaas ke baad “use bhuk lagi thi”; phir bhi jab shaetaan ne use sabse aakarshak aur lubhaaone prastaao prastut kiya, Usne hamein ek divye uddharan diya aagya paalan ka un cheezon se na hatne se jo Woh jaanta tha ki sach hai.¹³

Jab Woh Gethsemane mein tadap raha tha, jahan usne aysi peeda sahi jaise “Uska paseena maano khoon ki badi boonde dharti par gir rahi hain,”¹⁴ Usne aagyakaari Bete hone ka anukaran kiya yeh kehte hue, “He Pita, yadi tu chahe, to is katore ko mere paas se hata le: tobhi meri nahin, parantu teri hi, ichcha puri ho.”¹⁵

Jab Uddhaarkarta ne Apne pratham Devduton ko adesh diya, Usne tumhe aur mujhe bhi wahi adesh diya, “Tu mere piche ho le.”¹⁶ Kya hum aagya ka paalan karna chahate hai?

Jo gyaan hum dhoondhte hai, jinke jawaab hum chahate hai, aur jo shakti hum aaj chahate hai duniya ke asar aur badlaao ke chunaaotiyon se bachne ke liye hume praapt ho sakta hai jab hum Prabhu ke aagyaon ka paalan karenge. Main ek baar phir Prabhu ke vaani ko dohrata hoon: “Jo vyakti Parmeshwar ke aagyaaon ka paalan karega sachchaai aur roshini ko praapt karega, jabtak ki wah sachcha na ban jaaye aur sabhi cheezon ko jaane.”¹⁷

Yah mera vinamra prarthna hai ki hume ashirwaad mile jo aagyakaari hone par anek inaam ke rup mein vaada kiya gaya tha. Ishu Masih, humare Prabhu aur Uddhaarkarta ke naam se, amen.