Nkyerɛkyerɛ ma Hɛn Mber yi
Melchizedek Asɔfodzi na Relief Society adzesua wɔ Kwesida a otsĩa anan no, wɔdze betsim “Nkyerɛkyerɛ ma Hɛn Mber yi.” Adzesũa biara wobotum ayɛ ho ahosiesie efi kasa kor anaa no mboree efi ndaansa wiadze mfɛndzanan ehyiadzi mu (hwɛ nkyerɛmu-mfonyin a ɔwɔ ase no). Stake na mansin mu presidentfo botum asan mu eyi kasa kor a wɔdze bedzi dwuma, anaa wobotum dze asodzi yi ahyɛ bishopfo na nkorbata presidentfo nsa. Baanodzifo wɔdɛ wotsi mu kyerɛ mfaso a ɔwɔ Melchizedek Asɔfodzi enuanom no nye Relief Society nkyerɛmbaa no bosũa kasa kor noara wɔ Kwesida kor mu.
Hɔn a wɔreba Kwesida a-otsĩa anan adzesũa no, ɔwɔ dɛ wɔhyɛ hɔn nkuran ma wosũa ndaasa wiadze mfɛndzanan ehyiadzi dawurbɔ krataa no.
Esusudze a wɔdze bɛyɛ Adzesua ho Ahosiesie efi Kasa horow no mu.
Bɔ mpaa dɛ Sunsum Krɔnkrɔn no bɛkã woho ber a isũa na ekyerɛkyerɛ kasa (dodow) no. Bia edze adzesũadze binom bɛyɛ adzesũa no ho ahoboaboa, mbom wiadze mfɛndzanan ehyiadzi mu kasa noara yɛ adzesũadze a wɔagye ato mu. Wo dwuma nye dɛ ibɔboa nkaafo no ma woesũa na wɔdze asɛmpa no dɛ mbrɛ wɔkyerɛkyerɛɛ no wɔ ndaasa yi Asɔr no wiadze mfɛndzanan ehyiadzi mu no, abɔ bra.
Hwɛ kasa (dodow) no, hwehwɛ fapem na nkyerɛkyerɛ a obehyia esũafo no hɔn ehiadze. Hwehwɛ nsɛnkã, kyerɛwsɛm ntõtõho, na nsɛm fi kasa (dodow) no a ɔbɔboa wo ma akyerɛ nokwar yinom.
Yɛ mbrɛ ebɛkyerɛ fapem nye nkyerɛkyerɛ horow no ho nhyehyɛɛ. Susu dɛ edze nsɛmbisa bɛkã ho a ɔbɔboa adzesũafo no:
-
Hwehwɛ fapem nye nkyerɛkyerɛ horow a ɔwɔ kasa (dodow) no mu.
-
Dwendwen ne nkyerɛasee ho.
-
Kyɛ ntseasee, adwen nsusii, sũahu, nye dasegye horow.
-
Fa fapem na nkyerɛkyerɛ yinom toto hɔn abrabɔ ho.
|
Abosoom a Wɔkyerɛkyerɛ Adzesũa no |
Kwesida a-Otsĩa Anan Adzesũadze |
|---|---|
|
Ebɔwbira 2013–Ɔbɛsɛ 2013 |
Kasa a wɔkãaa no Ebɔwbira 2013 Wiadze Mfɛndzanan Ehyiadzi * |
|
Ɔberɛfɛw 2013–Ebɔwbira 2014 |
Kasa a wɔkãaa no Ɔbɛsɛ 2013 Wiadze Mfɛndzanan Ehyiadzi mu * |