សៀវភៅកំណត់ចំណាំ សន្និសីទខែ មេសា ឆ្នាំ 2013

កក្កដា 2013

« អ្វីដែលយើងជាព្រះអម្ចាស់បានមានព្រះបន្ទូល នោះយើងបានមានបន្ទូលហើយ… ទោះដោយជាសំឡេងរបស់យើងផ្ទាល់ ឬ ក៏ដោយសំឡេងនៃពួកអ្នកបម្រើរបស់យើងក្តី គឺដូចតែគ្នា » ( គ និង ស 1:38 ) ។

នៅពេលអ្នកមើលសន្និសីទទូទៅខែ មេសា ឆ្នាំ 2013 ឡើងវិញ នោះអ្នកអាចប្រើទំព័រទាំងនេះ ( និង សៀវភៅកំណត់ចំណាំ សន្និសីទនៅក្នុងច្បាប់ទស្សនាវដ្ដីនាពេលអនាគត ) ដើម្បីជួយអ្នកឲ្យសិក្សា ហើយអនុវត្តតាមការបង្រៀនថ្មីៗរបស់ពួកព្យាការី និង ពួកសាវកទាំងឡាយ ព្រមទាំង អ្នកដឹកនាំសាសនាចក្រផ្សេងទៀតដែលនៅរស់។

ពាក្យព្យាករចំពោះសមាជិកជាអ្នកផ្សព្វផ្សាយសាសនាទាំងឡាយ

« ខ្ញុំសន្យានឹងអ្នកថា កាលដែលអ្នកអធិស្ឋាន ដើម្បីដឹងថា ត្រូវនិយាយជាមួយនរណា នោះឈ្មោះ និង មុខមាត់គេនឹងចូលក្នុងគំនិតអ្នក ។ ពាក្យដែលត្រូវនិយាយនឹងផ្ដល់ឲ្យនៅគ្រាដែលអ្នកត្រូវការនោះឯង ។ ឱកាសនឹងមានដល់អ្នក ។ ជំនឿនឹងឈ្នះលើការសង្ស័យ ហើយព្រះអម្ចាស់នឹងប្រទានពរអ្នកនូវអព្ភូតហេតុផ្ទាល់ខ្លួនអ្នក » ។

អែលឌើរ នែល អិល អាន់ឌើរសិន នៃកូរ៉ុមនៃពួកសាវកដប់ពីរនាក់ « វាជាអព្ភូតហេតុមួយ » Liahona និង Ensign ខែ ឧសភា ឆ្នាំ 2013 ទំព័រ 79។

ស្ថានភាពអ្នកផ្សព្វផ្សាយសាសនាគិតត្រឹមសន្និសីទទូទៅខែ មេសា

ចំនួនពួកអ្នកផ្សព្វផ្សាយសាសនាបច្ចុប្បន្នដែលកំពុងបម្រើបេសកកម្មទាំងឡាយ	65,634 នាក់
ចំនួនយុវជន និង យុវនារីដែលបានទទួលការហៅបម្រើបេសកកម្មរបស់ពួកគេ ប៉ុន្តែនៅមិនទាន់ចូលទៅមជ្ឈមណ្ឌលបំពាក់បំប៉ន់អ្នកផ្សព្វផ្សាយសាសនានៅឡើយ	ច្រើនជាង 20,000 នាក់
ចំនួនយុវជន និង យុវនារីបច្ចុប្បន្នដែលកំពុងស្ថិតក្នុងដំណើរការ សម្ភាសជាមួយ ប៊ីស្សព និង ប្រធានស្តេករបស់ពួកគេ	ច្រើនជាង 6,000 នាក់
ចំនួនបេសកកម្មថ្មីដែលបានបង្កើតឡើង	58 បេសកកម្ម

មកពីប្រធាន ថូម៉ាស អេស ម៉នសុន « សូមស្វាគមន៍មកកាន់សន្និសីទ » Liahona និង Ensign ខែ ឧសភា ឆ្នាំ 2013 ទំព័រ 5 ។