ក្រុមគ្រួសារ គឺជាផ្នែកមួយនៃផែនការរបស់ព្រះវរបិតាសួគ៌

អ្នកអាចប្រើមេរៀន និង សកម្មភាពនេះ ដើម្បីរៀនសូត្របន្ថែមទៀតពីបាវចនាថ្នាក់កុមារសម្រាប់ខែនេះ ។

ព្រះគម្ពីរមរមនប្រាប់យើងអំពីមនុស្សទុច្ចរិតម្នាក់ឈ្មោះ អាម៉ាលិកាយ ។ វាចង់បំផ្លាញសាសនាចក្រ ហើយគ្រប់គ្រងសាសន៍ នីហ្វៃដោយធ្វើជាស្តេចរបស់ពួកគេ ។

មេទ័ព មរ៉ូណៃ គឺជាអ្នកដឹកនាំដ៏ខ្លាំង និង សុចរិតម្នាក់របស់ទាហានសាសន៍ នីហ្វៃ ។ មេទ័ព មរ៉ូណៃ ចង់រំឭកប្រជាជនពីសារៈសំខាន់ ដើម្បីការពារក្រុមគ្រួសារ និង សេចក្តីជំនឿរបស់ពួកគេ ។ គាត់បានហែកអាវរបស់ខ្លួន ហើយយកវាធ្វើជាទង់ជាតិ ឬ បដា ។ នៅលើទង់នោះ គាត់បានសរសេរពាក្យទាំងនេះ ៖

« នៅក្នុងការចងចាំដល់ព្រះរបស់យើង សាសនា និង សេរីភាពរបស់យើង និង សេចក្តីសុខសាន្តរបស់យើង ភរិយារបស់យើង និង កូនចៅរបស់យើង » ។

គាត់បានហៅបដារបស់គាត់ថា « ទង់ឥស្សរភាព » ហើយគាត់បានចងវានៅចុងថ្នោលមួយ ។ បន្ទាប់មកគាត់បានលុតជង្គង់ ហើយអធិស្ឋានថា ប្រជាជននេះអាចនៅតែមានសេរីភាព ដូច្នេះ ពួកគេអាចនៅតែថ្វាយបង្គុំព្រះ ហើយទទួលពរជ័យទាំងឡាយរបស់ទ្រង់ ។ ( សូមមើល អាលម៉ា 46:3–18 ) ។

សព្វថ្ងៃនេះ យើងមានអ្វីមួយដែលរំឭកយើងពីសារៈសំខាន់នៃក្រុមគ្រួសារ និង សេចក្តជំនឿរបស់យើង ។ នោះគឺ « ក្រុមគ្រួសារ ៖ ការប្រកាសដល់ពិភពលោក » ។ នេះគឺជាពាក្យពេជន៍ដែលមាននៅក្នុងការប្រកាសនោះ ៖

« ក្រុមគ្រួសារជាផ្នែកសំខាន់មួយនៃផែនការរបស់ព្រះដ៏បង្កបង្កើត សម្រាប់គោលដៅដ៏អស់កល្បជានិច្ចនៃកូនចៅរបស់ព្រះអង្គ ។ … ក្រុមគ្រួសារត្រូវបានតែងតាំងឡើងដោយ ព្រះ » ។

គំនិតយោបល់សម្រាប់ការនិយាយក្នុងគ្រួសារ

អ្នកអាចអាន « ក្រុមគ្រួសារ ៖ ការប្រកាសដល់ពិភពលោក » ជាមួយគ្រួសាររបស់អ្នក ។ អ្នកក៏អាចនិយាយអំពីរបៀបមួយចំនួន ដែលអ្នកទាំងអស់គ្នាអាចធ្វើជាមួយគ្នា ដើម្បីធ្វើឲ្យគ្រួសាររបស់អ្នករឹងមាំ ។ បន្ទាប់មកអ្នកអាចរើសយករបៀបណាមួយនៃរបៀបទាំងនោះ ហើយធ្វើផែនការអនុវត្តវា ។

សកម្មភាពបដានៃគ្រួសារ

សូមប្រើក្រដាសមួយសន្លឹក ឬ ក្រណាត់មួយចម្រៀក ដើម្បីធ្វើជាបដា ដែលតំណាងឲ្យគ្រួសាររបស់អ្នក ។ សូមប្រើហ្វើត ឬ ខ្មៅដៃដើម្បីគូរអ្វីៗដែលសំខាន់ចំពោះគ្រួសាររបស់អ្នក ។ សូមបន្ថែមការដកស្រង់ ឬ និយាយអ្វីដែលបង្ហាញពីរបៀបដែលសមាជិកគ្រួសាររបស់អ្នកមានអារម្មណ៍អំពី សេចក្តីជំនឿរបស់ពួកគេលើព្រះយេស៊ូវគ្រីស្ទ និង ព្រះវរបិតាសួគ៌ ឬ អំពីពរជ័យទាំងឡាយនៃការមានគ្រួសារមួយ ។