Osisechalk me a Omesuub er a Ungil Chais

A Jesus Christo a mengeteklel osisechalk. Ngii a ulterkeklii a teletael se er a “lolsisechakl er a robdois el redil me a redersta el , nga er a rael me a tkul a daob, ngara bita er a chido me a chelsel a blirir. Ngii a ulechotii a beltik el reng el mo er tir e ulemekungil er tir me a telungalek er tir.”¹

Ngii a ulsisecheklii a Martha me a Mary e “milengemedaol er tir el mo oltirakl er Ngii me bo lenguu a diak a ulebengelel el klengar, ‘se el ungil chelchedal [ Lukas 10:42] el diak bo lemengai el mo cheroid er tir.”²

Ngara chedaol llechukl er chelecha el uriul el klebesei, e a Rubak a mla dmu er kid el kmo “molisechakl er a tang me a tang a klemerang el osisechakl er a rengedek.” (D&C 88:77). Kirel a osisechakl me a omesuub er a klemerang el osisechakl, e a Cheryl A. Esplin, ongerung el counselor er a omerreder er a Primary, a kmo, “Omesuub el mo dmolech a klemedengei er kid er a klemerang el osisecheklel a ungil chais a ta er a omerael er a klengar el mei el ‘bades me a bades, llach me a llach, telkib er tiang me a telkib er sei’ (2 Nephi 28:30).”³

Se el dosuub, e doluluuch, e dolsisechakl, el obang a klisichel a Chedaol Reng, eng nguu a tekingel “el mo er a rengrir a rengelkir a resechal (me a redil)” (2 Nephi 33:1).