iTukutuku ni Valetabu
Kelivaki na Qele ni iMatai ni Valetabu e Connecticut
Sa tekivu na taravale ena matai ni valetabu ni Yalododonu Edaidai mai Connecticut, Amerika, ni oti na kena soqo ni kelivaki qele ka a liutaka o Peresitedi Thomas S. Monson mai Hartford ena Vakarauwai, 17 ni Okosita. Na Valetabu e Hartford Connecticut sa na kena ikarua e New England (e dua tale e tiko mai Boston, e Massachusetts) ka dua vei ira na 170 na valetabu ni YDE sa vakayagataki tiko, tara, se qai navuci tiko e veiyasai vuravura.
iKarua ni Valetabu mai Colorado
Ena Vakarauwai, 24 ni Okosita, a veiliutaki o Elder Ronald A. Rasband ena Mataveiliutaki ni Vitusagavulu ena soqo ni kelivaki qele ni karua ni valetabu mai Colorado, e Amerika, na Valetabu e Fort Collins Colorado. Na valetabu kadua e tiko mai Denver, rauta ni 59 na maile (95 km) ena ceva kei Fort Collins.
iTaba mai vei Nicolas Carrasco, iloloma ni iTukutuku ni Lotu