Klumech er a Oldingel e Olisechakl, Ongeteruich me a Ongerung el Buil 2013

Chedaol Urerel a Jesus Kristo: Di Imong el Chedaol Ngelekel a Dios

Mosuub er tial tekoi lokiu a nglunguuch e mosiik el mo medengelii a bo mobang lolsisechakl. Ng mekerang e mo bleketakl a klengar ma urerel a Osobel el ngii a mo omdois er a klaumerang el Kirel e mo omekngeltengat er tirkel moldingel er tir? A lmuut el bebil er a omesodel, e bora reliefsociety.lds.org.

siasing/Llecheklel

Olangch er a Relief Society

Klaumerang, Telungalek, Ngeso

A Osobeled, el Jesus Kristo, a okodongall el di Imong el Chedaol el Ngalek el ngii a di imong el chad er a beluulchad el milechell lokiu a redil el di chad el uaikid me a Dios el Chedam. Ngii a ngiluu a chedaol el klisiich er a Dios, el Demal. Ea delal, el Maria, e Ngii a ngiluu a klebkellel a di ngar el chad el ua blel sebechel melchesuar a klengerenger, ched el reng, saul er a bedengel, ringel, me a kodall.¹

Ele Jesus Kristo a Di Imong el Ngelekel a Chedam, meng mle sebechel mo mad el muut el me ngar. A chedaol llechukl a olsisechakl e uase “ngokiu a tngakireng er a Kristo” e kid “a sebeched el mokiis er a kodall” (1Jacob 4:11). Kede dirrek el subii el rokui “a mo er a okiis er a uriul er tial klengar el mo er a diak a ulebengelel klengar” alsekum “kede oumerang” (D&C 29:43).

Me sel bocha de mui er a klaumedengei el uase ngera moktek er a Jesus el di Imol Chedaol Ngelekel a Demad, ea klaumerang er kid era Kristo a meleketek. A Elder D. Todd Christofferson er a Chelechad er a Teruich me a Terung el Apostol a millekoi el kmo, “Klaumerang er a Jesus Kristo a ual lotutii e dolmii sel (1) Sel dodai el uase Ng Di Chimo el Chedaol Ngelekel a Dios, (2) Sel milketmokl el Tngakireng, me a (3) Sel Okiis el Ngii a kildmeklii.”² A reprofet er chelechal taem a olcholt er a sioning er tir: “[Jesus Kristo]a di…. Imol Chedaol Ngelekel a chad, el ngii a Osobel er a beluulechad.”³

Ngara Chedaol Llechukl

Johanes 3:16; Doctrine and Covenants 20:21–24; Moses 5:6–9

Ngar er a Reksi er Kid

Ngara chelsel a Beches el Renged e ke choiuii a tekoi el kirir a redil, ulengakl me a diak ulengakl, el tir a oltaut er sel klaumerang er a Jesus Kristo, te mla subii a Osisecheklel, e sioning er a Urerel, ongasireng el tekoi, me a klebkellel. Tirkal redil a uaia blo el mesisiich loltirakl e klou a ututelir el sioning er a ureor el mengedmokl er a diak a ulebengelel klengar.

A olchotel, a Martha a uluuchais er a mesisiich el klaumerang er ngii er a klisichel a Osobel el millekoi el Kirel el kmo, “A kuumerang el kmo kau a Kristo, el Ngelekel a Dios, el kirel me soiseb er tial beluulchad”Johanes 11:27

A rebebil er a mle sioning er a Osobel a mle delal, el Maria, me a ta er ngii er a Elisabeth. Uriul er a odngelel a anghel Gabriel el mora Maria, eng mlo oldingel er a Elisabeth. A Elisabeth er a rrenges a tekingel a Maria, eng “milechesuar a Chedaol Reng” Lukas 1:41 e uluuchais er a klaumerang er ngii el kmo a Maria a mo delal a Ngelekel a Dios.

© 2013 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/13. Kengei er a oidel: 6/13. Oidel a Visiting Teaching Message, June 2013. Palauan. 10672 881

Ngera Sebechek el Rulii?

Ngera meng klou a ututelel er ngak a bo kudengelii a moktek er a Jesus Kristo?
Ng mekerang e a telbiil a mo mengisois er a klaumerang er kid?