Ɔhyewber Ɔsom

Ɔhyewber bi mu no, mohweer mber wɔ ananabea bi nye mbofra a wɔwɔ ehiadze soronko kɛyɛɛ edwuma. Ber a ahyɛase mehyiaa mbofra no, nna ɔyɛ me dzen ara yie. Nna mennkã hɔn kasae, naaso motweer Sunsum no dɛ ɔbɛkyerɛ me kwan wɔ me nkitahodzi ho. Ber a muhun abofra kor biara yie no, muhun dɛ kasa nnsiw ɔdɔ kwan. Menye mbofra no dzii agor, serewee na yɛyɛɛ nsaano edwindze na menyaa ɔdɔ a odzi mu maa hɔn. Muhun ɔdɔ a Ɔsor Egya wɔ ma Ne mba no mu kakrabaa, na dɛwdzi a ɔhyɛɛ m’akoma mu no bor dza wɔkã.

Ber biara a mosom binom no, manndɔ hɔn a mosoom no nko, mbom Ɔsor Egya so. Nokwar muara mebohu dɛ “ber biara a hom bɔsom hom nuanom no nna hom Nyame ara na hom rosom no no” (Mosiah 2:17). Mo som no botae , sɛ wɔ somndwuma akɛse anaa ɔnam ayamuyie nketsenketse do o, nye dɛ mebɛhyɛ Nyame enyimnyam (hwɛ Matthew 5:16). Mowɔ enyidado dɛ ber a mosom binom no, nkorɔfo bohu mo dɔ ma Ɔsor Egya na Christ ne Kan no a ɔdzɛw wɔ me mu no.