Tub Hluas Ntxhais Hluas
Kev Pab Neeg Thaum lub Caij Ntuj Sov
Tus sau zaj no nyob hauv Virginia, USA.
Muaj ib lub caij ntuj sov kuv tau siv sij hawm nyob hauv pej kum teb chaws pab cov me nyuam uas xav tau kev pab tshwj xeeb. Thaum kuv xub ntsib cov me nyuam, ua rau kuv ntxhov siab heev. Kuv tsis tau txawj hais lawv yam lus, tiam sis kuv cia siab tias tus Ntsuj Plig yuav coj kuv kev thaum kuv nrog lawv sib tham. Thaum kuv paub ib tug me nyuam dhau ib tug, kuv kawm tias qhov uas yus hais ib yam lus txawv tsis yog ib qho uas tau thaiv kev hlub. Kuv tau ua si, luag nyav thiab xuas tes ua tej yam khoom nrog cov me nyuam thiab kuv hlub lawv kawg siab kawg ntsws. Kuv paub me ntsis txog kev hlub uas Leej Txiv Saum Ntuj Ceeb Tsheej muaj rau Nws cov me nyuam, thiab kuv lub siab muaj kev xyiv fab puv npo.
Thaum kuv pab lwm tus, tsis yog kuv hlub cov uas kuv pab xwb tiam sis kuv kuj hlub peb Leej Txiv Saum Ntuj Ceeb Tsheej thiab. Kuv paub tseeb hais tias “thaum nej ua hauj lwm pab nej tej neeg nruab ze ces nej tsuas ua hauj lwm pab nej tus Vajtswv xwb” (Mauxiyas 2:17). Kuv lub hom phiaj ntawm kuv txoj kev pab lwm tus, txawm yog kuv ua tej yam loj los yog ua tej yam me kom pab lwm tus yog kev qhuas Vajtswv (saib Mathais 5:16). Kuv cia siab tias thaum kuv pab lwm tus neeg, tib neeg yuav paub txog kuv txoj kev hlub Leej Txiv Saum Ntuj Ceeb Tsheej thiab Qhov Kaj ntawm Khetos uas nyob hauv kuv.