Omesiou er a Summer

A ta el summer e ak mla er a cheroid el beluu el oureor lobengterir a resechudel el ngalek. Se er a kot el mesterir tirka el ngalek, e ak kmal mlo bekikl. Ng dimlak kulekoi a tekingir, eng di a kuluumerang el kmo Chedaol Reng a mo omekrael er a ngak er a urerek. Se er a bo kudengelterir a rebek el ngalek, e ak mlo medengei el kmo a omelekoi a diak el tomer er a beltikelreng. A kuluusekool, kulcherchur, e milngaus lobengterir a rengalek e kmal mlo iimis lomelchesiu er a cherrungel el beltikelreng el mo er tir. Ak milsa sel beltikelreng er a Chedam er a Babeluades el mo er a Rengelekel, e a deureng el mlei er a renguk a diak a smodii.

Se el kusiou er a rebebil, e ak melchesuar a beltikelreng el diak el di el bo er tirkel kusiou er tir ng dirrek el mo er a Chedam er a Babeluades. Ak meral mla mo medengei el kmo “se el dosiou er a rebebil e kede ngara omesiou el mo er a Dios” (Mosiah 2:17). A moktek er a omesiungek, a le meklou el tekoi malechub eng mekekerei el omeruul lolchotel a blekokeuii, a di mengebkall er a Dios (mesa Mateus 5:16). Ng urungulek me sel kusiou er a rebebil, e a rechad a mesa se el beltkil a renguk el mo er a Chedam er a Babeluades me a Llomes er a Kristo el kubang.