Pigpig ngak fare Somoel u fithik Adag

“Pigpig nib Ga’fan ke pii’ nap’an gadad rin’ gam’ing rok rebe bee’ ni fan cha’new ni kar yim’. Bo’or ngiyal’ ma day ma nang yad ni gadad be rin’ fare muruwel. Gadad be soen ko dariy magar, nge day ma nang ni yad ra m’agaen’ ngay ko tin ni gadad ma pii’. Machane, gadad ma pigpig, nge u fitik muruwel nem gadad fek e tin ni yib ko dariy kureb a muruwel: gadad riyul be mang pi tathapeg u dakean Burey nu Zion. Boed i Tathapeg rodad pii’ yafos Rok’ ko maligach ni fan rodad, ere gadad, u ba achig rogon, rin’ ta’ab rogon nap’an gadad rin’ muruwel rok rebe bee’ u lane temple ni fan yad ni dariy kanawo ko mon’og mada’ boch ke rin’ ni fan yad u rogon gadad paer udakean fare fayleng.”²

“Pi Walageg nib pumo’on nge ppin, ba liyeg daed e picha’an nib t’uf ayuw rodad, gel rodad, digil rodad, fal’eg laniyaen rodad, gagool rodad—sana yad chon e tabinaw, fagar, bee’ ni ga ma nang buchuw, fa bee’ damur nang. Gadad be pa’ay Rok Somoel ba ara udakean fare fayleng, u fithik e motochiyel ko pigpig nge chibiy bitir Rok’. Ir e pagan’ ngodaed. …

“Binem e pigpig ni gadad be pining ngak be pigpig rok fare Somoel ni Yesus Kristus.”³

“U lane Bin Bi’ech e Fayleng, ma ke ga’ar Somoel, ‘Gimed manang e pin’en ni thingar mu rin’ed u lan e galasia rog; ya pi muruwel ni kam guyed ni kug rin’ e ireram e pi muruwel ni nam rin’ed; ya pin’en ni kam guyed gag ni kug rin’ e ireram e pin’en ni ngam rin’ed.’ 3 Nephi 27:21.

“Gadad be fal’eg wa’athan boech e gidii’ nap’an ni gadad ra pigpig ko rogon ni rin’ ‘Yesus nu Nazareth … ni yaen nibe rin’ e tin mangil.’ Acts 10:38 11 Ma fal’eg Got wa’athan daed ni ngad pir’eged e falfalen’ ni ngad pigpig niged e Chitamangdad nu Tharmiy nap’an ni gadad ra ayuweg pifaak u fayleng.⁴

“Gadad be t’uf e ngiyal ko pii’ pigpig. Ni fan fapi chon e galasia ni gathi un ngodad fa yad ngan pag nge dariy fan, rayog ni ngad sap niged rogon ni ngad ayuwegrad. Be fith norad ni pigpig u boch muruwel ra buch ni rayog fare tawa’ath bbe t’uf rorad ni sul nga galasia ni polo’. Machane fapi tapowiiy ni rayog ayuwegrad be bochingyal e rus ni ngarrin’. Ba tu’uf ni ngan tafneyed ni gidii’ e ma thil. Yad rayog ningar paged e tin nib kireb. Yad rayog ni ngar kalngaen’ ko pi denen rorad. Yad rayog i koel fare priesthood nib mangle rogon. Ma rayog pigpig ngak fare Somoel u yul’yul’.⁵

“Fare fayleng be t’uf ayuw rodad. Gadaed be rin’ gubin ni thingar Rrin’ed? Ku tal nap’an ni gu leam nag e pi thin rok President John Taylor (1808–87) ni ga’ar: “Fa’anra dam dag e pi pong rom, ma ra tem Got nib mil fan ngom e picha’an ni susun e ram ayuweg raed ni ngam rin’ e murwel rom.” Pi N’en ni Ngan Fil ko Pi President ko Galasia: John Taylor (2001), 164. Bay rifrif’ay e dugil’nag, pa’ay ni ngan kol’, tafnay ni ngan ayuweg, gumircha’ey ni ngan chibiy, nge bee’ ni ngan ayuweg. Pi tawa’ath ko gubin e chubog e be soen nigem. Yalen ngay rom ya gathi sap machane rin’ u dakean fare faang ko … pigpig.”⁶