2014
Ewe Popunap mi Pin and Jises Kraist: ewe Chon Massen Siip Allim
February 2014

An Fefin Chon Amwa Poraus, February 2014

Ewe Misin mi Pin an Jises Kraist: ewe Chon Massen Siip Allim

Kopwe iotek usun ekkei mettoch me tingor pwe kopwe sinei met mi namwot om kopwe aiti aramas. Ifa usun om sinei usun manauan me popunan ewe Chon Amanau epwe anapano om nuku non I me efeiochu ekkewe ir ka wisan tumunu non om wisan fefin chon amwa? Ren pwan ekkis poraus, kopwe nengeni reliefsociety.lds.org.

Nuku, Famini, Aninis

Jises Kraist, ewe Chon Massen Siip Allim, a aitikich:

“Ika emon me neimi a wor ipuku siip nge emon me neir a monucheno, met epwe fori? Epwe chok nikitano ekkewe tiwe-me-tiwemon siip non ewe maneman, iwe epwe feinno kutta ewe emon a monucheno tori an epwe kuna ewe? …

“Upwe erenikemi, pwe … ina chok usun an epwe wor pwapwa wachemuk non nang ren emon chon tipis mi aier” (Luke 15:4, 7).

Non ach sia achocho ne weweiti pwe Jises Kraist mi wesewesen ewe Chon Massen Siip Allim, ach mochen ne tapweno mwirin ach nenien appiru me anisi ekkewe ir mi mochen aninis epwe napano. Jises a apasa: “Ngang ewe chon massen siip mi murinno, me ua sinei nei kewe siip o ra pwan sinei ei. … Iwe ngang mi tongeni mano fan iter” (John 10:14–15). Pokiten an Kraist we Achasefan, esap wor emon me neich epwe poutmwanino pwe sisap kuna ewe epwe emwenikich ngeni imwach kewe (nengeni Luke 15).

Preseten Thomas S. Monson a apasa, “A wor wisach ne tumunu ewe mwichen siip. … Emon me emon kich sipwe uta me anisi ekkoch.”1

Seni ekkewe Pukfel

Konupin 23; Isaiah 40:11; Mosaia 26:21

Seni Ach Uruo

Elizabeth Ann Whitney, a fiti ewe aewin mwichen Fin Anisi, a aporausa usun ekesiwinin netipan non ewe ier 1830: “Non ewe chok autun ua rong ekkewe Elter ra afanafana ewe Kapas Allim, ua sinei pwe iei ewe mongungun ewe Chon Massen Siip Allim.”2 Elizabeth a tapweno mwirin mongungun ewe Chon Massen Siip Allim me a papatais pwan a angei ewe Ngun mi Fel.

Sia pwan tongeni ausening ngeni mongungun ewe Chon Massen Siip Allim me pwari An kewe nongonong ngeni ekkoch. Preseten Monson a era, “Kich sia chok usun ekkewe poun an ewe Samon won fonufan, pwan a wor wisach pwe sipwe ekieta Noun kewe.”3

Usun chok emon chon massen siip mi kutta ekkewe siip mi pout seni, ekkewe sam me in ra pwan kutta nour kewe mi pout senir. Preseten James E. Faust (1920–2007), Oruan Chon Aninis non ewe Aewin Presetensi, a era”: “Ngeni ekkewe sam me in mi pung non ar achocho ne aiti pwan iotek fan itan nour kewe mi anneasonap, am aua apasa ngenikemi, ewe Chon Massen Siip Allim mi nenengonuk. Kot a sinei me a weweiti om kewe netipechou. A wor epinukunuk.”4

© 2014 seni Intellectual Reserve, Inc. Meinisin pung mi kawor. A för non Amerika. Kapungunon non fosun Merika: 6/13. Kapungunon chiakun: 6/13. Chiakun Visiting Teaching Message, February 2014. Chuukese 10862 901

Esinesin

  1. Thomas S. Monson, “Heavenly Homes, Forever Families,” Liahona, June 2006, 70.

  2. Elizabeth Ann Whitney, in Daughters in My Kingdom: The History and Work of Relief Society (2011), 128.

  3. Thomas S. Monson, “What Have I Done for Someone Today?” Liahona, Nov. 2009, 86.

  4. James E. Faust, “Dear Are the Sheep That Have Wandered,” Liahona, May 2003, 68.

Met Ua Tongeni Fori?

  1. If usun ach sinei pwe ewe Chon Amanau mi wesewesen ewe Chon Massen Siip Allim epwe wato rech kinamwe non manauach?

  2. Met sipwe tongeni fori ne angang ngeni ekkewe ir mi “pout” seni ar fiti fan are ekkewe ir resap mo chon ach mwichefen?

  3. Ifa usun upwe tongeni anisi ekkewe sam me in a wor nour kewe rese mochen manaueni ekkewe nongonongen ewe kapas allim?