Mulwol ni Ngan Fil ni Ngan Nang, March 2014
Fare Muruwel nib Thothup ku Yesus Kristus: Tomilang ko Fayleng
Mu fil e ren’ey nib feal’ rogon mag gay rogon ni ngam nang ko mang e ngam ser nag. Urogon ni nang fan e yafas nge fan rok fare Tathapeg e ra gel nag e mich rom Ngak me yibliy e picha’an ni gabe ayuweg ko visiting teaching? Ra tin ni ga ba adag ni ngam nang, man ko www.reliefsociety.lds.org.
Mich, Tabinaew, Ayuw
Nap’an ni gadaed ra nang fan ni Yesus Kristus e Taomilang ko Fayleng, ma ra gel e mich rodaed Ngak ma gadaed mang e taomilang ngak boech e gidii’. Ke yoeg Kristus marunga’gen e muruwel Rok ni “fare taomilang nima pii’ e tamilang ngak e pumo’on [nge ppin] nima yibn ngag fayleng” (D&C 93:2) me yoeg ngodaed ni ngad “tininged e magael [Rok] ngalang ni nge yog ni gael’ e fayleng” (3 Nephi 18:24).
Pi profet rodaed e kar yoeged marunga’gen fare Tamilang rok Kristus. President Henry B. Eyring, Bin Somm’on e Counselor u lan fare Bin Somm’on e Presidency, e ga’ar: “Gubin ngiyal’ ni gara duwgliy ni ngam paer ni boed fare Tathapeg, ma ra gel e mich rom. Gara taw ko ngiyal’ ni gara nang rom ni Ir e Tamilang ko Fayleng. … Ra m’ug fare Taomilang rok Kristus u fithikem ngak boech e gidii’ u lane yafas rom.”1
Elder Quentin L. Cook ko fare Ulung ko fare Ragag nge L’agruw i Apostle e ke yoeg marunga’agen daed ni gad manged e tamilang ko fayleng: “Ba tu’uf ni ngad ayuwegned e pi tabinaew rodaed ma gadad paer u m’on u ta’abang ni gadad ma’athuk ngak boech e gidii’ nib man gil ni gad rrin’ed gubin ni rayog rodaed ni nge paer e royal’, athap, nge n’en nib man gill u lan e binaew rodaed.”2
Keb ko pi Chep nib Thothup
Cheppin Rodad
Ppin’ ko Tin Tomuren e Gidii’ e daba’ e ra tingiy e taomilang roraed ngalang.
Ko meruki ragag e flor u bang u Hong Kong, China, ma ba ppin ni dani mabgol nib m’ar—ni kemus ni ir e Latter-day Saint u lane tabinaew rok—e bay e tabinaew rok ni bang ni rayog ni ir nge boech e gidii’ e gar thamiyed fare Kan Nthothup. Ma taay e pi chep nib thothup rok, pi babyoren e Relief Society, nge bayoren taang rok nib chugur ngak. Ke chuur iyan ko fare temple ninge rrin e pi gam’ing ni fan ko pi’ gidii’ rok nike yim’.3
U Brazil ma bay e nina’ nike chugliy pifaak u fithik e tamilang ko fare gospel. Taang ko Primary e ke suguy e nifing u lane tabinaew rook nikan fal’eg ko simen nib rowrow, nge pi sasing ko Liahona pi temple, profet ku Got, nge fare Tathapeg e ke suguy e rungrung. Ir nge pumo’on rok e kar n’agew bukun ban’en ni ngar chiyliy row u lane temple ya ngeyog ni nge sum e bitir rorow u dakean fare m’ag. Meybil rok e Somoel e ra ayuweg ni nge fek pifak fare tomilang, riyul’, nge gelngin fare gospel.4
© 2014 ko Intellectual Reserve, Inc. Gubin mabay matwon. Kan yoloey u Meriken. Kan micheg nag ko thin nu Ngalis: 6/13. Micheg nag i pilyeg: 6/13. Pilyeg thin ko Visiting Teaching Message, March 2014. Yapese. 10863 905