Mwichenap me Ngang

Akkom ua ekieki ewe nesoponon wikin mwichenapen mwichefen a tam me tipetipengaw, nge nupwen fansoun a soposop, ua poputa ne tongei me pwapwaiti. Ewe nesoponon wikin mwichenapen mwichefen a tongeni apochokuna kich non pekin ngun, nge a mecheres sipwe mut ngeni ekkana memef ra tongeni kisino nupwen manau a soposopono won Sarifan. Ekkoch ekkei ekkiek ra fen anisiei ne soposopono ne angei seni mwichenap ifan aukkun chommong mi tufich.

Ua pwisin ammonata ren mwichenap ren ai makkeitiw kapas eis, me mwirin ua makkei poraus nupwen ai kewe kapas eis ra ponu. Mwirin, ua sani upwe download ekkewe porausen mwichenfen me kon seni LDS.org me pachanong non eu MP3 player pwe ua tongeni ausening ngeni eu afanafan ika kon nupwen ua fori mwokutokuten ai kewe ran. Ua pwan tongei ai upwe stutini ewe kinikinen mwichenap an ewe Liahona. Ua esissinata me makkei non ekkewe epekin pwisen ai puk. Nupwen ewe fansoun ewe mwichenap mwirin a feito, ai puk a men aeaoch. Fan ekkoch ai famini ra stutifengen ekkewe poraus non pwinin famini.

Am anommu rem ewe ngun aua mefi non mwichenap me sopsopono ne kaeo seni ekkewe poraus a anamwota angang weires, nge forun ei a eu watte feioch ngeni ei. Ua angei watte pochokun me emwen non fansounen riaffou seni ai stutini ekkewe poraus seni mwichenapen mwichenfen, me ua sinei ekkei poraus mi aurur seni nang.