Yuluuy nib Dugil

Fan e yuluuy ni ma damiteg e barkow nge koel ngak nga ta’ tafan ni ba’adag fa ayuwegem ni ngam drive nag ufithik e fang. Machane, fa’anra rayog ni nge rin e pi muruwel’ ney, dabi muruwel fa’anra kemus ba’ e yuluuy. Bat’uf e yuluuy nib ‘el’el, taga’ ngak nge gara use nag u langinn e ningyal’ nge tafan nib mataw.

Bee’ nge Tabinaew thingar da t’uf e yuluuy.

Magawon ra yib boed e yoko’ nge kireb nag e a kanawo’ rodad nge guyrogon ni nge thoey ngodad nga pi malong. Machane, bochinyal’ ba’ ea magawon napan gara lemnag kam mangil— fel’ e nifang nge me gapas e raen. Ba riyul, rib ga’ e magawon ma yib ngodad napan ni ngad dared nib sasagal ere dabda thamtham ni ngad dared.

Bat’uf e yuluuy nib el’el, rib gel, nge fel’ rogon ere rayog ni nge muruwel’ nib fel’. Ba’ reb, ngar peth gaed ko dayif nib gel ni nge fek bo’or e magawon.

Ba riyul, Fare gospel rok Yesus Kristus ir ta’areb e yuluuy. Fare Tasunmiy ko universe ke fal’ig tiney ni fan e fan nib thothup nge ke fal’ig ni nge damiiteg nge powi’iy ea bitir Rok.

Mang e baga’ fan ko fare gospel, ir e kanawo’ ro Got ni nge faseged e Bitir Rok nge sulweg e gidii’ ko gin bay Got riy?

Gadad ma nang gubin ban’en ba’adag ni nge madab, thingar da tay e yuluuy nga dakaen e dayif nib gel ko pi’nen nib riyul u gospel. Dam tay e yuluuy nga dakaen e yaan’ ko uf’uf’ fa tay nga buchew e mich rodad.

Biney e puul rayog ni ngad motoyil ngak e pi tapowi’iy rok Got u langinn general conference rok fare Galasia. Pi thin roared, ma kunuy ko fare pi babiyor nib thothup nge thamey rok fare kan ni thothoup, ma pi ngodad e dayif nib gel ko mich nib manemus nge machib rayog ni ngad tay e yuluuy rodad nga dakaen ere rayog ni ngad dar chef gad nge yoror gad ufithik e magawon nge tin nib momow ko yafos ney.

Ke fil fare profet nib kakrom Helaman, “mu tayew u wun’mew ni fare war ni Tabiyul rodaed, ni’ir Kristus, ni facha’ ni Fak Got, e thingar mu ufungew e dayif romew nga dakean; ya nap’an ni fare mo’oniyan’ e nge pii’ e nifeng rok’ nib gel, arragon, nifngin e yoko’ rok’, arragon, u nap’an ni gubin e n’uw ni ays nge yoko’ rok’ nib gel e nge aw ngomew, ma dariy gelingin ni nge miliymew iyaen nga but’ ko fare dodow ko gafgow ni dariy n’umngin i nap’an, ni bachan fare malang ni kam dumow gow nga dakean, ni’ir ba dayif nib miyuluy, nib dayif ni fa’anra toey e gidii’ e na’un nga dakean ma dabi puth nga but’.” (Helaman 5:12).

Yafos e ba’adag ni nge sikeng nag e yuluuy rodad nge sikeng nagdad ni ngad madab gad. Machane, fa’anra kam tay e yuluuy nib fel’ rogon u longinn e war ni Tabiyul rodaed, rayog ni nge kol—demtrug e gelingin rok nifang, gelingin rok day, fa n’umngin ko daqechqech.

Ba riyul, de fal’ig e barkow ere ni nge paer ulanginn e waneadaay machine gara fek e yuluuy nge tareg udakaen e day ko yafos. Machane biney ir e parable e fan reb e rran.

Ko ningyal’ ney, gube thapeg e gapas napan ni nggu nang fare yuluuy ko fare gospel nge war ni Tabiyul rodad ra dar chef gad nge yoror gad.

Yuluuy ney e ra talig e madab rodad nga tin nib kireb nge magowon. Ba pii’ ngodad a rogon nib thabi fel’ ni ngad falfalaengad marnga’agen e yafos nib fel ya’an nima thiliyeg.

Rib fel’ eyafos ma rib mangil ni ngad fasgad. Nifang, yoko’ nge gireeng ba sikeeng dad nga po magawon ni ngad sap nge dabi sap, machine milwol ko gospel nge gelingen nib thothup ra koldad udakaen e kanawo’ nga waneadaay nib gafaeliy rok Chitamangdad nu Tharmiy.

Bat’uf ni ngad, fa’anra, gathi kemus motoyil pi talks ko fare April general conference machane thingari rin’ e milwol rorad u yafos rodad boed rogon e yuluuy ba tay nib gel udakaen e dayif.

Aygiyibliy daed Got me powi’iydad u lan e kanawo ney nib thabi ga fan!