Yut
?Bae Mi Glad long Indeksing?
Raeta i stap long Verakruz, Meksiko.
Mi bin tekem pat long Gol blong stek blong mifala blong mekem indeks long 50,000 nem. Blong fastaem i bin had. Samtaem batj we mi daonlodem, ol hanraeting i no klia tumas, mo samtaem mi wantem blong givimbak mo daonlodem wan defren wan. Be mi stap tingting se sapos evriwan oli gat tingting olsem, ol batj ia bae oli lego olgeta i stap laswan olgeta. Long tingting blong mi, mi stap tingting long ol laen blong ol pipol we oli stap wet long spirit wol, mo mi tingting blong gohed blong ridim ol nem ia mo mekemsua se i no gat mistek taem mi raetemdaon olgeta.
Mi bin lanem blong gat lav long ol pipol ia. Mi andastanem se oli nidim help, mo yumi tu yumi nidim help blong olgeta. Mi kam blong andastanem gud se plan, we i stret gud, blong Papa long Heven hem i blong evriwan. Taem yumi folem ol tingting mo ol toksave we oli kam long ol lida blong Hem we Hem i bin jusum olgeta, bae yumi save witnesem sore mo lav blong Hem we i no gat en.
Indeksing i bin stap olsem gudfala eksperiens blong mi. Mi lanem blong lavem mo luk famle histri olsem wan samting we i gat valiu. Mi bin kasem tu long Lod blong yumi ol presen we oli gat bigfala valiu tru long fasin blong stap obei long samting we i simpol nomo olsem blong mekem indeksing.