Etop Visiting Teaching eke Ofiong June, 2014
Edisana Ata Iso Utom eke Jesus Christ: Okworo iko.
Tim bong akam kot nwed ndien yom usung ndidiongo se ekpebuanade. Didie ke ndifiok uwem ye utom eke Andinyanga edi nnam mbuotidem mbufo ke Enye okori onyung odiong mbio owo emi mbufo esede enyin eto ke visiting teaching? Ke oyomde ndifiok awak, ka ke reliefsociety.lds.org.
Mbuotidem, Ufok Idung, Edisin unwam
Nte nnyin isinde unwam ino mbon efen, emi anam nnyin idi mme nti asanga utom eke Jesus Christ, emi okowutde nnyin usung. President Thomas S. Monson ama eting ntem: “Mbon unana ekakanare nnyin ekuk. … Nnyin idi ubok ino Jehovah mi ke isong, ye ewuho edisin unwam nyung mmenere mme ndito Esie.1
Linda K. Burton, edide Relief Society general president, ama ekpep ntem: “Ke edinanam, kiet-kiet ke ufot nnyin imekeme nditie nte Andinyanga ke nte isinde unwam ino ndito Abasi. Man etim anwam nnyin [ndisin unwam nno] enye eken, ami mkpama nditeme ke mme iko inang anade nte eti: ‘Akpa esese, ndien esin unwam.’’ … Nte nnyin inamde emi, edi usung ndinim ediomi, ndien utom unwam, nte President Monson etingde, emi eyetie nte iko ntiense abanga ido mme anditiene eke nnyin idide.”2
Nnyin imekeme ndibong kpukpru usenubok man ikpefiok ibanga mmo oro ikpesinde unwam ino. “Ete nnyin ke Heaven eyeno fi nda usung, ndien mme angel eyesin unwam eno fi,” nte David L. Beck, edide Young Men general president etingde. “Eyeno fi odudu ndidiong mme uwem nyung nyanga mme ukpong.”3
Emi oto ke Nwed Abasi
Nte ewetde ke Mbuk Eset Nnyin
Ke general conference eke isua 1856, President Brigham Young (1801–77) and eting ono ofuri owo ete ke mme pioneer ke ewewere mme nkpo mmo ke ukwak umen mbiomo eto esanga edi ke usung do yak kpukpru owo ekpesin unwam eno mmo. Lucy Meserve Smith ama ewet ntem ete ke iban ema esiongo mme enyong ewura mmo [mme ikpo ofong esit idem], mme nyan sock ye kpukpru mmo emi mmo ekekemede ndidian ubok ke ata ndo-ndo oro enyung etang [mmo] edong ke nkpo uwat mbiomo.”
Nte mmo oro ekekade ekenyanga ekedisimde Salt Lake City, Lucy ama ewet ntem ete, “Akananam utom efen inemke mi nte edikedian ubok eke ofuri owo ke eyo uwem mi nte ata edidiana kiet ekedide ke utom emi. Ami nkenyene ndida isang kpot nka ebiet uyam nkpo nyung nting se ami nyomde; edieke edide ofong, ekenyene ndisibe enye nno mi ntre owo ibupke okuk.4
President George Albert Smith (1870– 1951) eketing abanga ndisin unwam nno mbon efen: “Nsi-nsi idaraesit nnyin edikpon itiene nte nnyin iwade idem ndisin unwam nno mbon efen.”5
Kere banga Enye mi ise
-
Akam edisanga didie inam nnyin idi nkpo-utom ke ubok Jehovah?
-
Mme didie ke edisin unwam nno mbon efen edinwam nnyin ndinim mme ediomi nnyin?
(c) 2014 eketode Intellectual Reserve, Inc. Ekpan kpukpru unen ndiming nwed emi. Ekeming nwed emi ke USA. Enyime ediming ke Iko Mbakara: 6/14. Enyime edikabare: 6/14. Edikabare eke Visiting Teaching Message, June 2014. Efik. 10866 553