Mbabun
Mbrɛ Misii Hun Me Nanabasia Yie
Ɔkyerɛwfo no tse Virginia, USA.
Me Young Women dwumadzi mu kor no, mutuu moho sii hɔ dɛ mobɔhwehwɛ mfonyin nketsenketse pii mu wɔ Mesa, Arizona, USA ebusua abakɔsɛm asoɛe dze aboa me nanabasia ma ɔahwehwɛ n’ewuakɔr. Ber a yɛtsenaa afã na afã na yɛrohwehwɛ hɛn ebusua no, mehyɛɛ ase dwen ho dɛ: “Ana minyim me nanabasia a ɔtsena me nkyɛn yi no ho nsɛm yie a?”
Yehun ebusua mu mba pii, gyee hɔn ayɛdze ho kwan, na yɛdze hɔn edzin kɔr Mesa Arizona Temple kɛyɛɛ hɔn enuma na pisi. Fi dɛm aber no annkyɛr na me nanabasia maa me n’ebusua abakɔsɛm a ɔaboaboa ano ayɛ no buukuu.
Osian dɛ ɔyar nwewee ntsi, sɛ ɔbɔ kɔomputa a ɔtse yaw kɛse. Medze enyigye boa no wɔ kɔomputa bɔ ho. Yɛbɔ mu kyerɛw n’abrabɔ mu nsɛm ma ɔayɛ mfaso ama hɛn ebusua no sunsum mu enyadze Modɔ dɛ mekã n’abrabɔ ho na morusũa pii fa Asɔr abakɔsɛm ho ber a yɛbɔ mu yɛ dwumadzi yinom.