យុវវ័យ
ខ្ញុំបានបម្រើម្តងទៀត
អ្នកនិពន្ធរស់នៅក្នុង រីអូ ហ្គ្រេន ដូ ណូត ប្រទេស ប្រេស៊ីល ។
ថ្ងៃមួយ បន្ទាប់ពីបញ្ចប់គម្រោងការបម្រើមួយ ខ្ញុំបានដើរកាត់សាលាប្រជុំរបស់យើង ហើយបានឃើញបងស្រីពីរនាក់កំពុងសំអាតអគារ ។ ខ្ញុំបាននិយាយត្រង់ៗថា ៖ « បងស្រី តើបងត្រូវការជំនួយដែរឬទេ » ? បងស្រីម្នាក់ បានញញឹមដាក់ខ្ញុំ ហើយនិយាយថា ខ្ញុំមកដល់ចំពេលល្មម ដោយសារមានតែពួកគេប៉ុណ្ណោះ ដែលកំពុងសំអាតអគារ ហើយពួកគេហត់ខ្លាំងណាស់ ។ គាត់បាននិយាយថា គាត់បានអធិស្ឋាន សុំឲ្យព្រះអម្ចាស់បញ្ចូននរណាម្នាក់មកជួយ ។ ខ្ញុំពិតជារីករាយណាស់ ដែលបានធ្វើជាមនុស្សម្នាក់នោះ ដើម្បីឆ្លើយតបចំពោះការអធិស្ឋានរបស់គាត់ ។ ខ្ញុំទើបតែបានបញ្ចប់ការបម្រើអំបាញ់មិញ ហើយខ្ញុំក៏នឿយហត់ដែរ ប៉ុន្តែខ្ញុំបានធ្វើតាមដួងចិត្ត ហើយ ផ្តល់ការបម្រើទៀត ។
វាគឺជាព្រះបញ្ញត្តិ ដើម្បីធ្វើការដោយសេចក្តីអំណរ « សូមមើលគ. និង ស. 24:7) ។ នៅពេលយើងមានសេចក្តីប្រាថ្នា ដើម្បីបម្រើនៅគ្រប់ពេលវេលា នោះយើងអាចជួយឲ្យមានអព្ភូតហេតុកើតឡើងនៅក្នុងជីវិតរបស់មនុស្សផ្សេងទៀត ។ ជីវិតរបស់យើងកាន់តែមានន័យ នៅពេលយើងបម្រើ ។ ព្រះអម្ចាស់ពិតជាសព្វព្រះទ័យនឹងយើង ទ្រង់ជួយកូនចៅម្នាក់ៗរបស់ទ្រង់ ហើយទ្រង់នឹងផ្តល់កម្លាំងដល់យើងដើម្បីបម្រើ ។