Na Ou Toe Auauna Atu

I se tasi aso, ina ua uma se galuega auauna atu, sa ou savali ma pasia lo matou falelotu ma vaaia ai ni tuafafine se toalua o loo faamamaina le fale. Na faigofie ona oso mai i fafo au upu: “Tuafafine, lua te manaomia se fesoasoani?” Sa ataata le tasi o i laua ma fai mai ua sao lelei le taimi ou te taunuu atu ai aua ua na o i laua lava o loo tapenaina le [fale] ma ua la le lavava lava. Sa ia fai mai, sa ia tatalo o le a auina mai e le Alii se tasi e fesoasoani. Sa ou matuai fiafia lava e avea ma se tali i lana tatalo. Sa faatoa uma lava ona ou auauna atu i se isi tagata ma sa lelava foi a, ae sa ou mulimuli i lo’u loto ma ofo e toe auauna atu.

O se poloaiga le galue ma le olioli (tagai i le MF&F 24:7). Pe a tatou maua le manao e auauna atu ai i taimi uma, e mafai ona tatou fesoasoani i vavega ia tutupu i olaga o isi tagata. O le a sili atu ona anoa o tatou olaga pe a tatou auauna atu. E alofa moni lava le Alii ia i tatou, Na te fesoasoani i Ana fanau taitoatasi, ma o le a Ia tuuina mai ia i tatou le malosi e auauna atu ai.