Te Boitin ae Rangin n Tikiraoi

Tamnei

illustration of ants in a garden

Ngke I otinako man te mataroa ni karekea te niutibeeba, I nora te bwai ae aki kakukurei. Te bwariko ni kinongo aika tenamwaaka man uraura karaia a tia ni karaoa ngaoia n te tairiki anne, n otirake imarenan te uruaki n te uteute ao te tabo n nakonako.

E ngae ngke ngai ma kainabau ti tuai ni maan ni maeka i Texas, USA, I ataia man te bwai ae I a tia n rinanona ae kamaraki tenan te kinnongo ae iti man ni boitin, tiaki karaia, are e a tia ni karekea iai araia. I nakon te karaati, ike ti katuka iai te bwai n tiriman. Ngkanne I wareka te kaetieti iaona.

“[Te bwai n tiriman aei] e rangin n anai nanoia kinnongo aika tena mwaaka,” e kangai taekana. “A na uoti nakon ngaoia, kamwarakeia nakon tinaia, ao a na bane ni mate.” E tuangai te koroboki are iaona bwa n na kamaenakoi tabeua iaona ao ni katobibiia te ngao. Ana karaoa are imwiina kinnongo.

I aki kakoaua. Kinnongo aika kabuebue tenaia aikai a tara ni wanawana nakoiu, ni kona ni katei ngaoia aika rietata n te tairiki ae ti teuana. I aki kakoaua ae a na kona ni bwaka ibukin boitin aika karabaaki aikai, ma e ngae n anne ao I kabwaraoa ni kamaenakoa.

N te tai aki maan imwiina I kunea te ngao n rangin n tabetabe ma waaki ni kakukurei. I taua raroau ma ni kabwaoua nukau ma ni matakuakina n te bwai ae riki. A kaota te kukurei n ae kanga e a tibwa bwaka te berena mai i karawa. A uoti kora aika mainaina ni baia aika a bingingi ao n orea teuana imwiin teuana ni kawaekoa ni karokoa te boitin nakon ngaoia.

I mataku ma te maaku ae korakora. A tauraoi ma nanoia ni uota te boitin nakon mweengaia. E tara, n ae taeka “n rangin n anainano” e tuai n rangin ni korakora. Irarikin anne ao te kambwana ni bwai n tiriman e a tia ni kona ni karaoa te bwai teuana ae buakaka—e kamamate e ngae ngke—e taraa n rangin n tamaroa.

I tuai n noora te katoto ae moan te nakoraoi riki bwa e na kanga ni karaoaki te bwai ae mainaina bwa e na taraa n tikiraoi. E karikai bwa n na iangoia bwa e kanga Tatan ni karaoa te bwai ae ti tebo ma anne. E karauaki nanou bwa n na ataia bwa e ngae ngke e kona ni kamaenakoi ana boitin aika kamamate aikai ni katobibia mweengau, e aki kona ni uoti n rin—ni karokoa ae I kariaia. Ngaia ae n na kanga ni kamenaki itinaniku?

E rinnako n au iango au kibu ae moan te mamate nanou iai: “Bwa nooria, a bane n anganaki aomata Tamnein Kristo, bwa aonga n ataa te raoiroi ma n te buakaka.” Ma te Tamnei anne, e kabwarabwara Moomon, ti “ko na n ataia ma te atatai ae kororaoi” bwa te bwai anne bon mairoun te Atua ke Tatan (Moronaai 7:16).

Te atatai anne ae taraakin kinongo e kaonai ma te kakaitau bwa e kona kainabau ao ngai ni motikia ao n ataia ma te koaua bwa ti na kariaia te bwai nako nanon mweengara. Ara mwakuri bwa ti na reireiniia ara ataei bwa ana ira Tamnein Kristo bwa aonga naba n atai boitin ngkana a noori.

Ngke I tei ni bwaoua ikekei, ni matakuakin kinnongo aikekei ni uoti ni kabanei kabanea ni koraa nakon ngaoia, I berita bwa n na karaoa ae I kona ni karaoia ni kararoai boitin aikai man au auti.