Tei ibukinte BWAI areTi Kakoaua

Tamnei

Amber liquid in three of 4 wine glasses. All four glasses have red roses in them.

Iaon Buranti, e kairoroaki te mwakuri n te tanganibuaka. Tariu ae karimwiu ae 20 ana ririki, Loic, e motin nanoia bwa e na nakon aia reirei aobitia aika katauaki bwa e na riki bwa te riutenanti. Ni banen ana reirei, iai te botaki ni bukamaru ni kaberitakiia aobitia aika boou. N tatabemaniia n teuana te tai a takaruaea te kamatenano ibukin te taanganibuaka. Ngkanne e na nima te kiraati n tiambein ae kanoana te rooti―n nim ni kauoua. Te katei aio e moanaki mairoun Napoleon Bonaparte, ao a na akea te aobitia man te tai anne ae e na aki karaoia.

E tuanga te kenoro Loic bwa tuan ana aro e aki kariaiakaki ngaia ni katoonga te mooi ae te arekoro. E mabu imwiin ana bubuti Loic ibukin te kariaia. E teirake te kenoro. N onea mwiin kairoroakin Loic n nima te tiambein, e katekeraoia ibukin kawakin ana tua ni kakoauaanne, e taku bwa e kakatonga ni butimwaea te mwane ae raoiroi aio nakon ana taanganibuaka. A katuka te tiambein, ao Loic e ira te bootaki ni bukamaru.

Tamnei

Asian woman sitting at a desk looking very sad and emotional. She looks like she is ready to cry.

Imwin te reireiu n te kuura Ngai ma tariu ae Grace ti uaia ni mwakuri n te kambwana ma tabeman kain te Ekaretia. Taan Tia Kamwakuri bon tiaki kain ara Ekaretia. Ngke ea kainrou tariu, ao te tia kamwakurira e karaoa ana iango ni kakuba ibukin te bootaki ni karinrin ibukinaa. I kantaningaia bwa e na karinea ara katei, ma n oneanmwiin anne e otana te kamanging, te tia mwaie ae te mwane, ao te witeo aeaki kaineti ma ara kainibaire.

Imwaain te bootaki ni karinrin ibukina. I namakina ana wirikiriki te Tamnei ae Raoiroi inanou ni ni kauringa au baoti ibukin ara kainibaire. I taua ni koona au metera man te Botaki n Ataeinaine ao ni iangoi aanga ao anganano aika I a tia ni karaoi ngke I mena n te Botaki n Ataeinaine ni kabobonga aron rikirakeu. I tataro bwa N na kairaki n tei ibukin au koaua n te tai aei. I tekiki nakon au tia kamwakuri ni kaota raraomau, n iangoana bwa e na bon un. E ngae n anne, oin nanou ae korakora bon kakukureian Tamau are i Karawa.

Ngke e a waaki te bwatei, e aki taetae te bwaoti ke ni ngare nakoiu. E ngae n anne, e katoka te tia mwaie ao te witeo.

Ni boong ake imwin te bwatei, e aki manga taetae au baoti ao ni ngare nakoiu n aron are kakaraoia mai mwain te bwatei. Engae n anne, I namakina te raunano bwa I ataia bwa E kukurei te Atua n te bwai are I tia ni karaoia. Tao teuana te wiiki imwiina, e a manga okira arona au itoman ma au bwaoti. I ataia bwa e kamarauaki nanona iroun te Atua ao ni buokia n ataia bwa I maiuakina te bwai ae I kakoaua.

Tamnei

High school sewing class full of young women.

Ngke ai 18 au ririki, I reirei iaon te waewae. N te bong teuana ataeinaine aika teniman n raroaia ae teuana ke uoua te miitamai irou a moana kabonganan te taetae ae kamaraki nano. I aki ataia ngkana N na aki tabeakiniia n aki karika te un ke N na teirake ibukin au katei ao n tuangiia bwa a na toki. N tokina I taetae raoi n aron are I kona, “Taiaoka kam kona n aki kabongana te taeka ae kamaraki nano?”

Te ataeinaine ae bubura ibuakoia e taraai ni mata ni un ao e taku, “Ti na taekina te bwai ae ti ti tangiria ni kan taekinna.”

I taku, “Ma kam na bonriai n taetae ni kamaraki nano? I rang rootaki iai.”

E taku, “Ngkanne tai kakauongo.”

I a moanna n un ao n taku, “E kanganga ae ko na aki kakauongo ngkana kam taetae n takarua.”

E taku, “Tai Tabe iai.”

I katokia, I un irouia ataeinaine, ma e a korakora riki uniu i bon irou I aki kona ni kakoaua bwa e reke bwanau n te kauntaeka. A bon tabe naba ni un ataeinaine, ao ngkai ti a bane ni un.

Imwin au aki kakarongoa, I nooria ataeinaine bwa iai aia kaangaanga ma aia mitin ni waewae. I ataa te bwai ae riki bwa ibukina bwa I a tia ni kaitibo ma te aekaki ni kaanganga anne mai imwaina. Ma ngaia are I a kaota nakoia aron karaoana. I noora te bitaki ni moan ubun te ataeinaine are bubura. E taku Eei “kabwarai ara bure.” I aki kona ni kakoaua—bwa e kabwarabure. I tuanga“ kabwara naba au bure. I aki riai n un n aekan arei.”

I oki nakon au mitin ni waewae ao I aki manga ongo te taetaebuaka riki teuana. E reireinai te bwai are riki bwa ara taetae e aki riai ni bita anuaia tabeman, ma te akoi ao te mwakuri n ibuobuoki n tainako e kona.

I kaina te Ekaretia ngke 19 au ririki, te kauoman mai irouianati mwane aika teniman ao ti ngai kain te Aro n au utu.Bon imwiin bwabetitoakiu,I moana n tangira te kan nako ni mitinare. Imwin teririki anne,e tuangai te Tamnei bwa N na nako. I taetae ma tinau, are taku bwa e aki riai bwa N na nako. I kairemwea teuana te ririki, ma nanou ni kan mitinare e aki toki. Inanon te ririki anne, I kamatebwaibooki aika tabu, I kaikoa au mwane, katauraoi au bebwa, tuoaki ibukin te aoraki, ao―imwin ae a tia bwaai ni kabane―I a tataninga ana baire te Uea. Imwain reitinakona, E a roko weteaubwa N na mwakuri n te Brazil Campinas Mition.

A bon teimatoa n totokoai naba au karo. I karaoa au aki mamatam ao I tataro ma nanou, n tuanga Tamau are i Karawa aron au kaangaanga. I butiia bwa e na bitii nanon au karo iaon te aba. E kakoroa bukina. Te kubanakoterana ngai, bwa tamau e ira te botaki ni karaure are a karaoia raoraou ibukiu n te Kaonobong imwain mwanangau. Ao n te Moanibong anne, e uotai tamau nakon te marae.

Inanon au tai ni mitinare, I namakina ana tangira te Atua ngkana I taetaekina te euangkerio. E aki mwanuoka arona tinau n riki n tina, ao ngke I okira mwengau, boni ngaia te moan aomata n rabwatai.

I a tia n reiakinna bwa karaoan te mwakuri ni mitinare e bon raka riki nakon karaoan te tabe. Bon te tai ae mwaawa ma ni kamimi ibukin te rikirake ao te reirei.

Tamnei

High school classroom. Oriental students

Ngkai au moan ririki n ara iuniwetiri ae te kabanea n tamaroa iaon abara, I namakina te rawawata ni kan karaoa ae te kabanea n tamaroa. E a roko te bwainikirinaki ao I a moanna n titiraki ibukin au onimaki n te euangkerio n aekaia naba taian burobetia n aron kabwarabwarakina bwa e bon ‘koaua’. E mwaiti mai irouia kaain au kiraaki aika rootaki. Te otabwanin aio e karika te kaangaanga ni boutoka ana koaua te Kiritian. I iangoia bwa N na kitanna ma I a baireia bwa e raoiroi riki ngkana I tiku. I bukinna bwa ngkana tii tabeman aika tau n rin n te iunietiri aio, ao mai buakoia aika tabeman bon kain te aro, ao ngkanne N na tiku ao n tei ibukin te koaua.

Au burobetia ibukin bwain te rabwata, te tia rabakau ae kakea te Atua, e reirei taekan te tiaeanti n akea ana koaua iroun te Tia Karikibwai ae Moan te Rietaata. Irarikina mwaitin riki are I ongoraeakinna, e a kakorakoraai riki bwa bon iai te Teuare Moan te Mwaaka―te Atua, Tamara―are kariki bwaai aikai ni kabane. Tabeman a uneaki bwa te iango aio e aki koaua. E a rikirake ni kabuebue ara maroro. I rangi ni ingainga ni kan n tabeka baiu ao ni kabwarabwara ae I kakoaua te Atua bwa te Tia Karikibwai.

E a roko te tai n anga au iango. N au reirei e bon tataneiai te aba n uboubo, takarua ke n ribaia ake a anga aia iango. I tei n ninikoria ao n taku n te aro ae bebete nakon te kaitara “Kakoauan te Atua e n bon akea nanona iroum n te tai aei, ma e na roko te bong are e na iai nanona iroum n aron ae matata raoi irou ngkai.”

Man te tai anne, I aki manga karekei riribai ngkana I tei ibukin au onimaki. Man te tai anne ni waakinako, I tokanikai n te reirei, n te aro n iraorao, ao n te maiu n tamnei. I a moanna riki ni kakaonimaki n aia bobotaki ataein te reirei, ao I rineaki nakon tabeua aobitin te reirei.

I a reiakinna bwa te teiibukin te koaua e ngae ngke tii tetaina rooti ara babaire n tai aika aika a na roko.