Bōk juon Naan in Kam̧ool kōn Meram im M̧ool

Ļōmņak ļo̧k eļan̄n̄e kwar jepļaak ilo iien eo im kar bwebwenato ippān armej eo eaar jokwe taujin ak bōlen bukwi iiō ko rem̧ootļok. Lōmņake ļo̧k am kajjeon̄ in kōmleleik n̄an er jet iaan kein jerbal ko raan kein ko kwe im n̄a jej pedped ioer rainin. N̄an waanjon̄ok, ta eo armej rein remaron̄ ļōmņake kōn kōj eļan̄n̄e jej jiron̄ er bwebwenato in baļuun ko, obun ko, kein jerbal ko rekapeel, im video ko ro jibwid me ekkā aer kwaļo̧ki ippān milien armej ro ipaļaakin laļ in?

Jet remaron̄ tōmak kōj. Jet remaron̄ kōraat, jum̧ae, ak bōlen pukot n̄an kakkure kōj. Jet remaron̄ kajieon̄ in pukot, un ko, im m̧ool ko āinwōt n̄e raar jeļā kake n̄an kwaļo̧k ke ebōd ad tōl, jebwebwe, ak bōlen jekauwōtata. Remaron̄ kajieon̄ jum̧aeik kōn ad tōl piloik ro jet.

Ak ilo m̧ool, armej rein relukkuun in naaj bōd. Remaron̄ in jouj im rimeļeļe. Remaron̄ ba rejim̧we ilo ļōmņak ko aer. Bōtaab ejjab maron̄ alikar aer loe kōnke rej jan̄in bōk meram in m̧ool eo elikio.

Ainwōt kiiō manit eo armej in n̄an lōmņake ļo̧k ke jejim̧we jekdoon n̄e jebōd. Im eļan̄n̄e jōkjōk eo in, ta kōjatdikdik eo ijeņ n̄an jabdewōt iaad? Jenaaj ke mour i mour ko ad ilo ad jab jeļā kōn m̧ool eo kōnke ebooļ ļōmņak ko repok im jenaaj pedped wōt ioon ad meļeļe im tōmak?

Epen ke pukōt m̧ool?

Jibadbad in ennaan ko aō ej n̄an kwaļo̧k lan̄lōn̄ in ennaan eo bwe Anij Make―Irooj in Ineļap eo ejeļā aolep m̧ool otemjeļo̧k―kar leļo̧k n̄an ajri ro Nejin juon kallim̧ur bwe remaron̄ jeļā m̧ool eo n̄an er make.

Jouj kōļmenļo̧k kōn aorōk eo an kallim̧ur in:

Anij Indeeo im Ekajoor bōtata, Rikōm̧anm̧an eo an laļ, naaj kōnono n̄an ro rej kepaak E kōn juon bōro ettā im lukkuun kōttōpar.

Enaaj kōnono n̄an er ilo ettōņak ko, vison ko, kōļmenļo̧kjeņ ko, im en̄jake ko.

Enaaj kōnono ilo juon wāween me eban likjab im me e tarjen jon̄an n̄an en̄jake an armej. Enaaj leļo̧k n̄an er tōl jim̧we im uwaak ko n̄an mour ko aer make.

Aaet, enaaj wōr ro renaaj kōraate im ba epen menin, n̄e elōn̄ juon Anij, Enaaj kar wōr men em̧m̧an ļo̧k n̄an kōm̧m̧ane ijelo̧kin ron̄jake im uwaaki jar eo an juon make.

Bōtaab ij jiron̄ eok menin: Anij ej kea kake kom̧. Enaaj ron̄jake, im Enaaj uwaaki kajjitōk ko ami make. Uwaak in jar eo ami enaaj itok ilo wāween eo An make im ilo iien eo An make, im kōn menin, kom̧ij aikuj in ekatak n̄an ron̄jake Ainikien. Anij ekōņaan bwe kom̧in pukot kilen ami bar jepļaak ļo̧k n̄an E, im Rilo̧mo̧o̧r eo ej iaļ eo.⁵ Anij ekōņaan bwe kom̧in jeļā kōn Nejin, Jisōs Kraist, im n̄an en̄jake aenōm̧m̧an im lan̄lōn̄ eo ej itok jen ļoor iaļ eo ekwojarjar an rikaļooraņ.

Ro mōtta jitenbōro, ijin ej juon idajon̄jon̄ eo ekaju, kōn juon kōjatdikdik jān Anij, loe ilo bok in etto in jeje ko rekwojarjar, ej n̄an aolep em̧m̧aan, kōrā, im ajri ro rej m̧ōņōņō in kajjeon̄ e.

Mo̧kta, kwoj aikuj pukot naan in Anij. Meļeļe riiti jeje ko rekwojarjar im ekkatak naan ko an rikanaan ro etto im bar āinwōt raan kein kōn gospel eo an Jisōs Kraist em̧ōj an jepļaaktok―ejjab kōn ikdelel n̄an pere ak kōnanaiki bōtaab kōn juon bōro em̧ool n̄an pukōt m̧ool. Kōļmenļo̧kjeņ ioon men ko kwonaaj en̄jake, im kepooj ļōmņak ko am n̄an bōk m̧ool eo.⁶ “Eļan̄n̄e kom̧ maron̄ maron̄ jab bar kōņaan tōmak, kōtļo̧k bwe kōņaan in ej jerbal ilo kom̧, kom̧ maron̄ ņa jikin m̧ōttan [naan ko an Anij].”⁷

Kein Ruo, aikuj ļōmņak kake, kejakļo̧kijeņ kake, jab mijak in kajieon̄ tōmak,⁸ im m̧ōņōņō kōn wāween tiriam̧o kake eo an Irooj n̄an ajri ro Nejin jān tōre eo an Adam n̄an tōre kein ad ilo an letok rikanaan ro, rilolo ro, im ribōk revelesōn ro n̄an tōl Kabun̄ eo An im jipan̄ kōj pukōt iaļ eo n̄an Ippān.

Kein Kajilu, kwoj aikuj kajjitōk ippān Jemedwōj Ilan̄, ilo etan Nejin, Jisōs Kraist, n̄an kwaļo̧k m̧ool eo an Kabun̄ eo an Jisōs Kraist im Armej ro Rekwojarjar ilo Raan-ko Āliktata n̄an eok. Kajjitōk kōn juon bōro em̧ool im kōn kōttōpar, bōk tōmak ilo Kraist.⁹

Ewōr barāinwōt bun̄tōn emān, letok n̄an kōj jen Rilo̧mo̧o̧r: “Eļan̄n̄e jabdewōt armej e kōņaan kōm̧anm̧an ankilaan [Anij], e naaj jeļā kōn naan eo in katak eo, eļan̄n̄e e jān Anij, ak Ij kōnono kōn N̄a wōt.”¹⁰ Ilo naan ko jet, n̄e kwoj kajieon̄ in kapen m̧ool eo kōn pedped ko an gospel in, kwoj aikuj m̧oktata mour kaki. Likūt katak ko an gospel in im katak ko an Kabun̄ in n̄an idajon̄jon̄e mour eo am. Kōm̧m̧ane kōn bōro em̧ool im tōmak ilo Anij.

Eļan̄n̄e kwonaaj kōm̧m̧ane men kein, kwonaaj bōk juon kallim̧ur jān Anij―eo ej pen ilo naan eo An¹¹—me enaaj kwaļo̧k m̧ool eo n̄an kom̧ kōn kajoor eo an Jetōb Kwojarjar. Enaaj lewaj meram eļap me enaaj kōm̧m̧an bwe en alikar am loe ilo marok im kam̧ool laļ ko reaiboojoj ilo mejān ko an mour wabanban.

Jet remaron̄ ba bwe bun̄ten ne kein ebwe aer pen ak bwe rejjab aorōk. Bōtaab ij kwaļo̧k aō lōmņak bwe naan in kam̧ool in kōn gospel eo im kōn Kabun̄ in ej men eo eaorōktata komaron̄ in bōke ilo mour in. Eban kōjeram̧m̧an wōt im tōl eok ilo mour in, ak enaaj tōl ļo̧k mour eo am n̄an indeeo.

Rimeļetļet ro raar jab meļeļe jon̄an laļ in, m̧ae kein jerbal ko raar itok n̄an bōk eļap ļo̧k meram bwe ren maron̄ meļeļe eļap ļo̧k kōn m̧ool eo.

Rijilōk Paul eaar keidi pedped eo ekkar n̄an jetōbin jeļāļo̧kjeņ. “A armej kōn biktoken e jab bōk men ko an Jetōb an Anij,” eaar je n̄an ri Korint ro, “bwe re men in bwebwe ippān; im e jab maron̄ in jeļā, bwe re meļeļe kōn jetōb.”¹²

Ilo naan ko jet, eļan̄n̄e kwoj kōņaan n̄an kile m̧ool eo an jetōb, kwoj aikuj in kōjerabal kein jerbal ko rejim̧we. Kwojjab maron̄ meļeļe m̧ool eo an jetōb kōn kein jerbal ko me rejjab jerbal.

Rilo̧mo̧o̧r eaar jiron̄ kōj ilo tōre in ad, “bwe eo ej jen Anij ej meram; im eo ej bōk meram, im wōnm̧aanļo̧k wōt ilo Anij, naaj bōk eļap ļo̧k meram; im bwe meram ej romakļo̧k im romakļo̧k m̧ae rālep.”¹³

Toon wōt ad leļo̧k būruwōd im kōļmenļo̧kjeņ ko ad n̄an Anij, toon wōt an meram pād ippād. Kajjojo iien jej kōņaan im m̧ool in pukot meram eo, jej kwaļo̧k ad pojak n̄an Anij n̄an bōk eļap ļo̧k meram. Jidik kōn jidik, men ko m̧okta raar ijidiwewe, marok, im ettolok rej jino aer alikar, meram, im alikar n̄an kōj.

Jen ejja kallim̧ur in wōt, eļan̄n̄e jenaaj kūnōōrļo̧k kōj make jān meram eo an gospel in, meram eo ad ejino adim̧akoko―eban ilo juon raan ak ilo juon wiik ak jidik kōn jidik―m̧ae iien jej jenlikļo̧k im jab maron̄ meļeļe etke jaar jab tōmak gospel eo em̧ool. Jeļāļo̧kjeņ eo ad m̧okta emaron̄ kar menin bwebwe n̄an kōj kōnke ta eo eaar alikkar em̧ōj an bar jino tab, ijidiwewe, im etto ļo̧k.

En̄in ej unin an Paul kar lukkuun kapen ennaan eo kōn gospel eo ej menin bwebwe n̄an ro rej kowaan, “n̄an [jabdewōt ro] rej mour ej kōn kajoor an Anij.”¹⁴

Kabun̄ eo an Jisōs Kraist im Armej ro Rekwojarjar ilo Raan-ko Āliktata ej juon jikin n̄an armej kōn aolep kain naan in kam̧ool. Ewōr membōr ro an Kabun̄ in me naan in kam̧ool eo epen im urur ilo er. Ro jet rej kajieon̄ in jeļā kōn er make. Kabun̄ in ej juon kapijuknen n̄an aolep n̄an itok ippān doon, jekdo̧o̧n ewi jon̄an kajoor in naan in kam̧ool eo ad. Ejjeļo̧k jain ilo kōjem in im̧ōn kweilo̧k ko ad me rej ba, “Naan in kam̧ool eo am̧ eaikuj in kajoor n̄an deļo̧n̄.”

Kabun̄ in ejjab n̄an armej ro rōweppān ak ej n̄an aolep n̄an “itok n̄an Kraist, weppān ilo E.”¹⁵ Kabun̄ in n̄an armej āinwōt kwe im n̄a. Kabun̄ in ej juon jikin karuwainene im jipan̄, ejjab ilo jeņo̧ļo̧k ak ba ņae. Ej juon jikin ijo jemaron̄ diwōj ļo̧k n̄an jipan̄, rōjan̄, im rie doon ilo ad pukot m̧ool eo ekwojarjar.

Ilo jem̧ļo̧kin, jej aolep ripukot meram an Anij ilo ad etal ilo iaļ in ad ļo̧k āinwōt rikaļooraņ. Jejjab kowaan ro jet kōn jon̄an meram eo ippāer ak maron̄ in ejjeļo̧k; ijoke, jej kōkajriri im rōjan̄ aolep meram m̧ae ealikar aer meram, meram, im m̧ool.

Jen kakememej kōj bwe bōk juon naan in kam̧ool ejjab juon ilo juon minit, awa, ak raan. Eban dedeļo̧k ilo juon wōt iien. Jerbal eo n̄an bōk jetōb in meram ej kappok eo ejjeļo̧k jem̧ļo̧kin.

Naan in kam̧ool eo am kōn Nejin Anij emour im Kabun̄ eo An em̧ōj an jepļaaktok, Kabun̄ eo an Jisōs Kraist im Armej ro Rekwojarjar ilo Raan-ko Āliktata, emaron̄ jab m̧ōkaj an waļo̧k, ak imaron̄ kallim̧uri eok menin: eļan̄n̄e kwoj kōm̧m̧ane ijo kūņaam̧, enaaj itok.

Im enaaj aiboojoj.

Ij kwaļo̧k naan in kam̧ool eo aō make bwe jetōbin m̧ool enaaj kobrak būruwōm̧ im bōktok meram n̄an am jetōb. Enaaj waļo̧k n̄an eok kōn jeļāļo̧kjeņ eo ekwojarjar kōn lan̄lōn̄ eo eaiboojoj im aenōm̧m̧an. Em̧ōj aō en̄jake menin kōn eō make kōn kajoor eo an Jetōb Kwojarjar.

Āinwōt an jeje ko etto kallim̧ur, kōnono pen kōn Jetōb in Anij naaj kōm̧m̧an bwe kwon al al in iakwe,¹⁶ kotak mej ko mejam̧ n̄an lan̄, im kotak aenikiōm̧ ilo nōbar n̄an Anij Eutiejtata, Kone, Kōjatdikdik, Rikōjparok, Jem̧ōm̧. Rilo̧mo̧o̧r eaar kallim̧ur, n̄e kwoj pukote konaaj loe.¹⁷

Ij kam̧ool bwe menin ej m̧ool. Eļan̄n̄e kwonaaj pukot m̧ool eo an Anij, eo me emaron̄ jalikar am loe, emejkwun, im etto jidik an waļo̧k, ealikar, im ejino epaak n̄an būruwōm̧ kōn meram in tiram̧o kake an Anij. Jetōb in loļo̧jeņ eiaboojoj, eim̧weik men ko mejān armej, naaj waļo̧k n̄an eok.

Ej aō naan in kam̧ool bwe jetōb in meram in en io̧kļo̧k kajjojo ro nejin Anij. Enaaj kōmeram ļo̧k am kōļmenļo̧kjeņ, bōktok kemour n̄an būruwōm̧ im lan̄lōn̄ n̄an raan ko am. Ro jeiū im jatū jitenbōro, jouj jab karum̧wij ļo̧k iien n̄an pukote im kōkajoor ļo̧k naan in kam̧ool eo am make kōn jerbal in ekwojarjar an Anij, em̧ool jerbal in meram im m̧ool.

Naan in kam̧ool eo am make kōn meram im m̧ool reban kōjeram̧m̧an wōt kwe im ro ineem̧ ilo mour wabanban in, bōtaab enaaj pād ippam̧ n̄an indeeo, ibwiljin laļ ko ejjeļo̧k jem̧ļo̧kier. Kōn menin ij kam̧ool im likūt aō kōjeram̧m̧an ippāmi ilo etan Jisōs Kraist, amen.