Ang Kausaban sa Akong Kasingkasing

Sa dihang una nakong nahibaloan ang gipahiuli nga ebanghelyo ni Jesukristo, akong gibati ang Espiritu nga nagpamatuod sa katinuod niini. Pinaagi sa pag-ampo, ang akong pagpamatuod nahimong mas sigurado, ug mihukom ko nga magpabunyag.

Sa wala madugay human sa akong bunyag, ang mga tawo sa akong ward misugod sa pagpangutana kanako unsay akong gibati kabahin sa pag-misyon. Sa tinuod, wala ko kahibalo kon unsay isulti. Ang ideya sa pagbiya sa pamilya ug eskwela aron mag-misyon daw binuang.

Dayon usa ka adlaw naghunahuna ko kabahin sa akong pagkakabig. Akong nahinumduman ang mga misyonaryo kinsa mitudlo nako, kinsa mapailubong mitubag sa akong mga pangutana ug mitabang nako sa pagsabut sa ebanghelyo. Nakaamgo ko nga kon wala ang ilang tabang, dili gyud nako madiskobre ang tinuod nga Simbahan. Sa dihang nakaamgo nako, ang tinguha nga mag-misyon milambo sa akong kasingkasing. Akong nabati ang Espiritu nga nagdasig nako nga kinahanglan ko nga moserbisyo og full-time nga misyon.

Nasayud ko nga ang misyonaryo nga buhat mao ang buhat sa atong Langitnong Amahan ug nga kita makatabang sa pagdala og mga kalag ngadto sa talagsaong kahibalo sa gipahiuli nga ebanghelyo.