Qaqa ena vuku i Jisu Karisito

Au a sotava na dredre ni kana vakasivia. Na veitarataravi ni noqu kana sivia e a vakavuna sara ga na noqu madua, yalo ca kei na vakaduiduile. Au vakila niu malumalumu niu tovolea meu valuta na noqu leqa.

Ena dua na gauna balavu au a dau vakawaletaka tu ni Veisorovaki ni iVakabula e sega walega ni na vakabulai keda ia ena vueti keda ka vakataucokotaki keda, oqo e wili kina na noqu ivakarau ni dau kana vakasivia.

Au sa qai vakadeitaka meu sa na soli au taucoko vua na noqu iVakabula. Au a masu. Au vakatusa vua na noqu malumalumu kei na noqu gadreva na loloma soli wale, oti au sa qai kerei Tamada Vakalomalagi me vakalougatataki au ena Nona veivuke vakalou ena siga ka tarava. Au vakila ena bogi o ya na veivakadeitaki ni Tama dauloloma ni tiko dina Vua na nona gadreva me vukea na luvena kei na Nona via vakataucokotaka na Nona gagadre.

Tekivu sara ga mai na bogi oya sa sega tale ni qai vaka me dau lewai au na kakana. Au kila ni o Jisu Karisito e vuni noqu rawata na veika o ya. Me vakataki Paula ga, au sa vulica ni, “Au sa rawata na ka kecega ena vukui Karisito, o koya sa vakaukauwataki au” (Filipai 4:13). Kau sa tovolea tiko meu kakua ni guilecava e dua tale na lesoni mai vei Paula.“Me vakavinavinakataki na Kalou ni solia vei keda na qaqa ena vukui Jisu Karisito na Turaga” (1 Korinica15:57).