Maroroi na iTukutuku

E vakatauvatana o Peresitedi Uchtdorf na noda gauna kei na nodra gauna na ivuvu. Ni ko a sega beka ni takosova na veibuca, ko sa vakataki ira cake na ivuvu mai na nomu vakasamataka! E rawa talega ni o vakaraitaka na yalololoma, cakacaka kaukauwa, kei na dau raica na veiyasana vinaka. Ena noda sa mai kila ni ra a vakayacora na ivuvu na ivakarau ni bula vivinaka oqo baleta na mororoi ni nodra ivolatukutuku, era na kilai iko rawa talega na nomu kawa mai muri ena nomu ivola ni veisiga.

Taura e so na gauna mo vola na itukutuku e so ka baleti iko ena nomu ivola ni veisiga. Sa rawa ni o vola na veika vakayalo, me vaka na nomu a rawata na nomu ivakadinadina se na nomu a lako curuma rawa na veivakatovolei ena nona veivuke na Tamada Vakalomalagi. Sa rawa talega ni o vukei ira na makubumu vakarua (o koya ena wilika na nomu ivola ni veisiga ena dua na gauna!) me ra kila e a vakacava tu na nomu bula ena veisiga. Na cava e so na ka o sa cakava tiko e koronivuli? E vakacava tu na irairai ni nomu rumu? Na cava na nomu ivakananumi vakamareqeti me baleta na nomu matavuvale?

Ena nomu tekivu volavola voli vakalalai ena veisiga, ena sega walega ni matata mai na nomu raica rawa na nona dau vukei iko na Tamada Vakalomalagi ena veisiga ni nomu bula, me vaka ga na Nona a liutaki ira na ivuvu, ia o na biuta tale tikoga mai e dua na italanoa me baleti ira na nomu kawa ni mataka.