Kōjparoke juon Reko̧o̧t

Būreejtōn Uchtdorf ej keidi raan kein ad n̄an tōre ko an paineer ro. Men̄e komaron̄ jab kijoone toļ jiddik ko, kwoj āinļo̧k wōt paineer ro jān am̧ ļōmņak kwoj! Komaron̄ bar kwaļo̧k tiriam̧o̧, lukkuun jerbal, im kijenmej. Im baj āinwōt ad jeļā bwe paineer ro rekar kwaļo̧k wāween ko rekarbab kōnke reko̧o̧t ko rekar kōjparoki, ro ineem̧ remaron̄ jeļā kajjeem̧ jān jōnōļ eo am̧ barāinwōt.

Joļo̧k jet minit ko im jeje jidik kōn kwe make ilo jōnōļ eo am̧. Komaron̄ jeje ilo men ko ilo jetōb, āinwōt ewi wāween am̧ kar bōk naan in kam̧ool eo am̧ ak anjo jān apan̄ ko kōn jipan̄ eo an Jemedwōj Ilan̄. Komaron̄ barāinwōt jipan̄ ajri ro jibūm̧–jibum̧ jibūm̧ (ro me remaron̄ riiti jōnōļ eo am̧ juon raan!) n̄an jeļā ta kar mour eo am̧ iien otemjej. Ta jerbal ko kwoj kōm̧m̧ani ilo jikuuļ? Ewi wāween ruum̧ eo am̧? Ta ememļo̧kjeņ eo am̧ em̧m̧antata kōn baam̧le eo am̧?

Ilo am̧ jino je jidik kōn jidik aolep raan, emaron̄ jab lukkuun alikkar wōt am̧ loe an Jemedwōj Ilan̄ jipan̄ eok ilo aolep iien am̧ mour, āinwōt An kar tōl paineer ro, ak kwonaaj bar kōm̧m̧ane juon bwebwenato n̄an ro ineem̧ ilju im jekļaj.