Mga Ideya sa Family Home Evening
Kini nga isyu naglangkob og mga artikulo ug mga kalihokan nga magamit alang sa family home evening. Ang mosunod mao ang duha ka ideya.
“Ang Pagtungha sa Basahon ni Mormon,” pahina 20: Bisan pa sa iyang personal nga mga kahuyang, si Joseph Smith nahimong instrumento sa mga kamot sa Ginoo samtang naningkamot siya sa pagsunod sa Manluluwas. Kita usab mahimong mga instrumento sa mga kamot sa Ginoo kon maningkamot kita nga molambo ug mahimong mas sama ni Jesukristo. Paghunahuna sa mainampoong paagi sa paghimo og tumong sa tinagsa ug isip usa ka pamilya. Mahimong hisgutan ninyo ang mga kalig-on ug mga talento sa matag miyembro sa pamilya ug maghisgot kon unsaon ninyo paggamit ang inyong mga kalig-on sa pagtabang sa usag usa nga makab-ot ang matag tumong. Hisguti kon unsaon ninyo paggamit ang inyong mga kalig-on sa pagpadayon sa buhat sa Ginoo, sama sa gibuhat ni Propeta Joseph Smith.
“Ang Biyahe ni Anna,” pahina 66: Hunahunaa ang pagtabang sa inyong pamilya nga makadiskobre ug makapreserbar sa mga istorya gikan sa inyong family history. Mahimong magplano kamo sa pag-interbyu og apohan, mobasa og mga journal sa pamilya ug ubang mga dokumento, o mo-browse sa FamilySearch.org. Sa mosunod nga family home evening, ipakigbahin ang mga istorya ug hisguti kon sa unsa nga paagi nga ang inyong mga katigulangan mga bayani. Ikonsiderar ang pagdugang sa mga istorya ngadto sa seksyon sa “Memories” sa FamilySearch.org.