Parau poroʻi na te mau tuahine hahaere, Atete 2015
Te huru hanahana o Iesu Mesia : Te marû e te haehaa
A tuatapapa na roto i te pure i teie materia ma te imi ia ite e aha te faa‘ite atu. Nahea te maramaramaraa i te oraraa e te ohipa a te Faaora e faarahi ai i to outou faaroo Ia’na e e haamaitai ai i te feia ta outou e haapa‘o nei na roto i te tere hahaereraa ? No te mau haamaramaramaraa hau atu, a haere i ni‘a i te reliefsociety.lds.org.
Te Faaroo, Te Utuafare, Te Totauturu
Ua parau Iesu, « O tei rahi i roto ia outou na, ia faito atoa ïa i tei iti e tei mana ra, ia faito atoa i te tavini. Tei hea ho‘i te rahi, o tei te amuraa maa ra anei, e o tei tavini ? E ere anei o tei te amuraa maa ? E au râ vau mai tei tavini i roto ia outou nei » (Luka 22:26–27).
« O te Faaora to tatou hi‘oraa faahiahia rahi no te mana no te haehaa e no te auraroraa. Oia mau roa, na roto i To’na auraroraa i te hinaaro o te Metua, ua tupu te hoê ohipa rahi roa a‘e, e te mana rahi, i roto i te ao nei. Teie paha te tahi o te mau parau mo‘a roa a‘e i roto i te mau papaʻiraa moʻa, oia ho‘i, ‘Ia tupu râ to oe hinaaro eiaha to’u’ (Luka 22:42) »1
Ei mau pipi na Iesu Mesia, e imi tatou i te mau taime atoa ia riro mai Ia’na te huru. « E mea titau-roa-hia te mărû no tatou no te riro mai mai te Mesia ra te huru », ua parau o Elder Ulisses Soares no te Hitu Ahuru. « Aita ana‘e te reira, eita atoa ïa e roaa ia tatou ia faatupu i te tahi atu mau peu maitai. E ere te mărû i te paruparu, o te raveraa râ mai te maitai e te mărû, te faaiteraa i te puai, te hau i te aau, te hi‘oraa tano ia’na iho e te haavîraa ia’na iho ».2 A haa ai tatou no te faarahi i teie huru, e ite tatou e « ia rave tatou i te hinaaro o te Metua ma te aau haehaa, e farii ai tatou i te mana o te Atua oia ho‘i—te mana no te haehaa. O te mana ïa no te aro atu i te mau fifi no te oraraa nei, te mana no te hau, te mana no te ti‘aturi, te mana no te aau haehaa tei î i te here e te iteraa papû no ni‘a i te Faaora o Iesu Mesia, oia ho‘i te mana faaoraraa ».3
Te tahi atu mau irava papa‘iraa mo‘a
No roto mai i te mau papaʻiraa moʻa
Te hoê o te mau taime au e te puai mau no te misioni a te Mesia oia ho‘i ïa i te taime a horoi ai Oia i te avae o Ta’na mau pipi. « Ua tia a‘era oia i ni‘a i taua amuraa maa ra, haapae atura i tana ahu, tatua ihora ia’na i te hoê ahu horoi. Ua ninii ihora i te pape i roto i te hoê au‘a, ua horoi atura i te avae o te mau pipi ra, e horoi atura hoi i te ahu horoi i tatuahia e ana ra » (Ioane 13:4–5).
A faatupu ai te Faaora i taua oro‘a ra, ua teimaha roa paha te mau pipi i te tuturiraa to ratou Fatu e Orometua rahi i mua ia ratou a rave ai i teie taviniraa haehaa. I muri iho, ua faataa Iesu i te haapiiraa, ua hinaaro Oia ia ratou e tatou paatoa ia haapii mai :
« Oia mau â hoi au nei, ua horoi una hoi au o te Orometua e te Fatu i to outou avae, e horoi atoa hoi outou i to outou iho avae e tia’i.
« Ua horo‘a’tu na hoi au i te haapa‘oraa na outou, o ta’u i rave iho ia outou nei, ia na reira atoa hoi outou » (Ioane 13:15).
© 2015 na Intellectual Reserve, Inc. Faturaa paruruhia. Nene‘ihia i te Mau Hau Amui no Marite. Parau faati‘a no te reo peretane : 6/15. Parau faati‘a no te iritiraa : 6/15. Iritiraa no Visiting Teaching Message, August 2015. Tahitian. 12588 895
A feruri i teie
Nahea te roaraa te haehaa e tauturu ia tatou ia here mai te Faaora ra te huru ?