Notebook sa Abril 2015 nga Komperensya

2015

Septyembre 2015

Notebook sa Abril 2015 nga Komperensya

“Unsa nga Ako ang Ginoo namulong, Ako namulong; … bisan pinaagi sa akong kaugalingon nga tingog o pinaagi sa tingog sa akong mga sulugoon, kini managsama ra” (D&P 1:38).

Samtang kamo magribyu sa kinatibuk-ang komperensya sa Abril 2015, inyong magamit kining mga pahina (ug mga Notebook sa Komperensya sa umaabut nga mga isyu) aron sa pagtabang kaninyo sa pagtuon ug paggamit sa bag-o nga mga pagtulun-an sa buhi nga mga propeta ug mga apostoles ug ubang mga lider sa Simbahan.

Mga Istorya gikan sa Komperensya

Unsay nakadapit sa atong pagtagad mas maayo pa ba sa talagsaong istorya? Ang mosunod mao ang upat sa daghang mga istorya nga gipaambit atol sa komperensya.

Nganong si Sister Yazzie sa Chinle Arizona Stake wala makahibalo kon pila ka buok ang iyang mga apo? Si Sister Yellowhair mipakigbahin sa wala damha nga tubag. —Tan-awa sa Carole M. Stephens, “Ang Pamilya Iya sa Dios,” 11.
Drama ug kaisug naghulagway sa istorya ni Marie Madeline Cardon, usa ka batan-ong babaye kinsa nanalipod sa iyang hugot nga pagtuo sa mga Santos sa Ulahing mga Adlaw niadtong 1850 batok sa manggugubot nga panon sa Alps sa amihanang Italy. Siya nagbarug isip usa ka ehemplo alang kanato karon. —Tan-awa sa Bonnie L. Oscarson, “Mga Tigpanalipod sa Pamahayag sa Pamilya,” 14.
Basaha sa unsang paagi ang halad sa puasa nakapanalanginan sa pamilyang Turay atol sa gubat nga sibil niadtong 1991 sa Sierra Leone. —Tan-awa sa Henry B. Eyring, “Dili ba Mao Kini ang Pagpuasa Nga akong Napili?” 22
Kini nga mga istorya sa kaisug, paglaum, ug pagsunod sa kahayag nga moabut gikan sa bag-o nga mga balita, apan ang mensahe adunay mahangturon nga kagamitan alang kanato. —Tan-awa sa L. Whitney Clayton, “Pagpili nga Motuo,” 36.

Mga Tubag alang Kaninyo

Matag komperensya, ang mga propeta ug mga apostoles mohatag og dinasig nga mga tubag sa posible nga mga pangutana sa mga miyembro sa Simbahan. Gamita ang inyong isyu sa Mayo 2015 o bisitaha ang conference.lds.org sa pagpangita og mga tubag niini nga mga pangutana:

Imahe

April 2015 general conference.

Ako nagtuo sa Pag-ula ni Jesukristo, apan unsaon nako pag-access niini nga gahum sa akong kinabuhi? Tan-awa sa Dale G. Renlund, “Ang mga Santos sa Ulahing mga Adlaw Magadayon sa Pagpaningkamot,” 56.
Unsaon paghimo ang buluhaton sa misyonaryo? Unsay akong mabuhat sa paghimo sa transisyon gikan sa pagka-misyonaryo ngadto sa pagka-returned missionary? Sa unsang paagi ako mapanalanginan sa pagtambong sa seminary ug institute? Tan-awa sa M. Russell Ballard, “Ang Labing Maayong Henerasyon sa mga Young Adult,” 67.
Unsaon nga ako mahimong mas maayo nga amahan? Tan-awa sa Larry M. Gibson, “Pagkaamahan—ang Atong Mahangturon nga Destinasyon,” 77.
Unsa man ang talagsaon nga mga panalangin sa usa ka mortal nga lawas ug sa kinabuhi sa yuta? Tan-awa sa Joseph W. Sitati, “Pagmabungahon, Pagsanay, ug Pagbaton og Gahum sa Yuta,” 126.

Sa pagbasa, pagtan-aw, o pagpaminaw sa mga pakigpulong sa kinatibuk-ang komperensya, bisitaha ang conference.lds.org.