Visiting Teaching Amandzɛɛbɔ, Ɔbɛsɛ 2015
Jesus Christ No Su Krɔnkrɔn: Ayamuyie na Ɔdɔ Ahyɛ No Mã
Mpaabɔ mu ara sũa adzesũadze yi na hwehwɛ dɛ ibohu dza ibɛkyɛ. Eretse Agyenkwa No su krɔnkrɔn horow ase no besi dɛn ato wo gyedzi mu wɔ No mu ma oehyira hɔn a enam visiting teaching do hwɛ hɔn do no? Ho nsɛm mbordo no, kɔ reliefsociety.lds.org.
Gyedzi, Ebusua, Mboa
Kyerɛwsɛm no Kwankyerɛ mu no wɔkyerɛ ayamuyie mu ase dɛ “ɔdɔ a ɔkrɔn kɛse, ɔyɛ nwanwa, ɔdɔ a ɔyɛ dzen“ (“Ayamuyie”). Ɔyɛ Jesus Christ No dɔ mapã no. Ber a yesũa fa Jesus Christ ho no na yɛbɔ mbɔdzen dɛ yɛbɛyɛ tse dɛ Ɔno no, yɛbɛhyɛ ase atse No dɔ mapã no nkã wɔ hɛn abrabɔ mu na oekenyan hɛn ma yɛadɔ binom na yɛasom hɔn dɛ mbrɛ Ɔbɛyɛ noara. “Ayamuyie nye yeenya abotar ama obi a ɔama hɛn nsa esi famu,” President Thomas S. Monson na ɔkãe. “Ɔyɛ yerisiw nhyɛdo no dɛ ɔnnkyɛr na yɛafa mfom.” Ɔyɛ yɛregye mbrɛwyɛ na esintɔ ato mu. Ɔyɛ yɛregye nkorɔfo ato mu dɛ mbrɛ wɔtse ampaara no. Ɔyɛ yɛrehwɛ atra honandua no hwɛbew ara, dze ahwɛ su a ɔnnkɛsesã daakye. Ɔyɛ yeridzi hɛn mprɛmprɛ nhyɛdo do dɛ yɛbɛkyekyɛ nkorɔfo mu.”1
Mormon Nwoma mu no, yesua nokwar tsitsir no dɛ “[yɛ]mfa [hɛn] akoma mu ahoɔdzen nyina mbɔ mpaa mma Egya no, ama ɔdze dɛm ɔdɔ yi aahyɛ [hɛn] mã, dza ɔdze egu hɔn a wɔyɛ ne Ba Jesus Christ n’akãdofo nokwafo do no; ama yɛaabɛyɛ Nyankopɔn ne mba[mbanyin na mbabaa] ama ber a obopue no, yɛabɛyɛ dɛ ɔno, osiandɛ yebohu no dɛ mbrɛ ɔtse; ama yeenya dɛm enyidado yi; ama ɔaatsew hɛnho dɛ mbrɛ noho tsew no” (Moroni 7:48).
Kyerɛwsɛm a Ɔkã ho
John 13:34–35; 1 Corinthfo 13:1–13; 1 Nephi 11:21–23; Ether 12:33–34
Fi Hɛn Abakɔsɛm mu
“Akyerɛbaa bi a ndaansa yi ɔyɛɛ kunafo no nyaa enyisɔ maa visiting teacherfo a wɔnye no dzii ne yaw na wɔkyekyee no werɛ.” Ɔkyerɛwee dɛ: ‘Nna mihia obi a obotum aboa me dzendzenndzen; obi a obetsie me. … Na wotsiei. Wɔkyekyee mo werɛ. Wɔnye me sũi. Na wofuaa me … [na] wɔboaa me ma mifii abagura na bahaw no bun mu dɛm ankonamyɛ abosoom a odzi kan mu no.
“Ɔbaa kor so twaa ne nkã tse tsia, ber a onyaa ayamuyie mapã fii visiting teacher bi hɔ dɛ: ‘Nna minyim dɛ mosom bo kyɛn dɛ ɔrebɛsera me ma wɔakan no akyerɛw ara. Nna minyim dɛ ɔdwen moho.’”2
Tse dɛ nkyerɛbaa yinom no, Latter-day Saintfo dodowara a wɔwɔ wiadze yi mu botum agye nsɛm a President Boyd K. Packer, Duebien no hɔn Quorum no ne President no kãe no dɛ: “Ɔyɛ awerɛkyekye dɛ yebohu dɛ ɔmmfa ho bea biara a [ebusua bi] bɔkɔ no, Asɔr ebusua bi rotweɔn hɔn no, no nokwar ho dase. Fitsi da no a wɔbɛba no, banyin no bɛkã asɔfodzi quorum ho na ɔbaa no akã Relief Society ho.”3
© 2015 Intellectual Reserve, Inc. Wɔakora ho tumdzi nyina. USA na wotsintsimii. Visiting Teaching Message, October 2015. ne nkyerɛasee Kasa 12590 502
Susu Iyi Ho
Osi dɛn na Christ yɛ hɛn fasusu a odzi mu wɔ ɔdɔ na ayamuyie ho.